Visto o texto do acordo asinado o día 27 de abril de 1998, pola comisión paritaria do convenio colectivo do sector de derivados do cemento da provincia da Coruña, integrada polas representación da Asociación de Fabricantes de Derivados del Cemento da Coruña e das centrais sindicais UGT e CC.OO no que se acordan as táboas salariais, e festivos de convenio para o ano 1998, e emenda de erros no texto do convenio e a inclusión dunha disposición transitoria nel e de conformidade co disposto no artigo 90.2º e 3º, da Lei 8/1980, do 10 de marzo, do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia en materia de traballo, esta delegación provincial,

ACORDA:

Primeiro.-Ordena-la súa inscrición no libro de rexistro de convenios colectivos do traballo existente nesta delegación provincial, e notificación ás representacións económica e social da comisión negociadora.

Segundo.-Ordena-lo seu depósito no Servicio de Relacións Laborais, Sección de Madiación, Arbitraxe e Conciliación.

Terceiro.-Dispoñe-la súa publicación no Diario Oficial de Galicia.

A Coruña, 12 de maio de 1998.

Mª Reyes Carabel Pedreira

Delegada provincial da Coruña

Acta da reunión da comisión paritaria do convenio colectivo de derivados do cemento da provincia da Coruña (27-4-1998).

Asistentes:

Pola parte social: Santiago Huertas Pozurama (CC.OO), José Luis Paz Pena (CC.OO), Jesús Mª Calvo Romero (UGT), José Mª Castro Rey (UGT).

Pola parte empresarial: Francisco García Carrillo, Luis Neira Pérez, Laureano Pérez Expósito (Asociación de Fabricantes de Derivados del Cemento de A Coruña), Marina Graña Bermúdez (asesora laboral CEC).

Na Coruña, sendo as dezasete horas do día 27 de abril de 1998, reúnense as partes arriba indi

cadas, como compoñentes da comisión paritaria do convenio colectivo provincial de derivados do cemento, nos locais de CC.OO. (r/ Isaac Peral, 42), co obxecto de levar a cabo a revisión e mofidificacións oportunas do citado convenio para o ano 1998, de conformidade co disposto no convenio colectivo vixente.

Ámbalas partes toman os seguintes acordos:

1. Aprobación e sinatura das táboas salariais para o ano 1998 que figuran como anexo desta acta, resultado de aplica-lo incremento do 2,3%, tal como se establece no acordo económico sectorial de derivados do cemento, e a aplicación do terceiro tercio de antigüidade, segundo o establecido no artigo 17 do convenio colectivo vixente.

2. En materia de xornada, acórdase fixar como festivos de convenio para o ano 1998 os seguintes: 2 de xaneiro, 5 de xaneiro, 23 de febreiro, 20 de marzo, 24 de decembro e 31 de decembro. Naquelas empresas en que non se desfrutasen os festivos arriba mencionados fixaranse outros días alternativos, negociados entre a empresa e representante legal dos traballadores ou, no seu defecto, cos propios traballadores.

3. Emenda do erro advertido no artigo 10 que aparece no texto do convenio colectivo cunha redacción, e no anexo VIII do propio convenio con outra distinta, quedando a súa redacción definitiva:

Artigo 10: comisión paritaria de interpretación.

Constitúese unha comisión mixta paritaria de interpretación do presente convenio, presidida pola persoa que a comisión, de entre os seus compoñentes no seu momento, designe por unanimidade.

Serán vocais dela catro representantes por cada unha das partes asinantes do convenio, social e empresarial intervinientes, designados na forma que decidan as respectivas organizacións e preferentemente de entre os membros compoñentes da comisión negociadora deste convenio.

Será secretario un vocal da comisión.

Os acordos da comisión, para que sexan válidos, requirirán a presencia, directa ou por representación de polo menos dous membros de cada unha das partes empresarial e social, e adoptaranse sempre pola maioría absoluta da totalidade dos compoñentes da comisión. Os acordos que sexan adoptados pola comisión paritaria terán a mesma eficacia cá norma pactada interpretada.

4. Emenda do erro advertido na transcrición do artigo 44, quedando a súa redacción definitiva co mesmo texto có establecido no convenio xeral do sector, é dicir, o traballador, logo de aviso e xustificación, poderá ausentarse do traballo polo tempo e nas condicións establecidas no cadro seguinte:

5. Introducir unha disposición transitoria sobre contratación coa seguinte redacción: «de acordo co establecido na letra b) do apartado 2º da disposición adicional 1ª da Lei 63/1997, do 26 de decembro, acórdase por ámbalas partes que se manteña a posibilidade de conversión de tódolos contratos temporais celebrados durante a vixencia deste convenio e ata a sinatura do que o substitúa, no contrato para o fomento da contratación indefinida, regulado na citada disposición adicional.».

6. Autorizar a Santiago Huertas Pozurama para que cumpra os trámites relativos ó rexistro, depósito e publicación desta acta e o seu anexo.

E non habendo máis asuntos que tratar, levántase a reunión sendo as 18.30 horas da data arriba indicada.

ANEXO

Táboas salariais ano 1998

Nota: as letras S e N que figuran nas pagas extras son para os traballadores con modalidade de traballo a incentivos.

N: non se retribúe incentivo.

S: si se retribúe incentivo.

5110