O Pleno da Corporación, en sesión celebrada o día vintenove de outubro pasado, acordou prestar aprobación, con carácter inicial, á proposta formulada por iniciativa particular de Corvorana, Sociedad Cooperativa Limitada, de modificación da delimitación do polígono ou solo urbanizable B-10 predio A Corva-San -Brais do vixente plan xeral municipal de ordenación urbana, coa finalidade de excluír do

actual ámbito espacial delimitado unha parcela destinada actualmente a espacio libre de titularidade municipal e a inclusión no polígono proposto dunha porción do predio de titularidade da citada cooperativa, cualificada polo planeamento como equipamento en solo urbano, para a súa cesión a este concello, de maneira que o novo ámbito do polígono B-10 sería de exclusiva titularidade de Corvorana, S.C.L. como consecuencia da xestión proxectada, compensándose con base nela a cesión do 10 por 100 de aproveitamento urbanístico non patrimonializable pola propiedade, sendo o proxecto, no que se fundamenta a solicitude obxecto deste acto, redactado polos arquitectos José Vicente Rodríguez Pagán e Daniel Gómez Ayuso, con visado da Delegación en Pontevedra do COAG do 2-6-1998.

Neste acto acordouso tamén someter á información pública o expediente e a proposta citada, na forma legalmente establecida, con notificación persoal ós interesados; facúltanse a Alcaldía para a subscrición dun convenio con Corvorana, S.C.L., unha vez finalizado o período de información pública do expediente no suposto non formularse reclamacións ou suxestións ó respecto durante ese prazo, no que terán que recollerse as determinacións e cesións que terán que conte-lo plan parcial que deba redactarse como instrumento urbanístico de desenvolvemento do planeamento xeral, coa compensación do aproveitamento non patrimonializable e a exención ó concello de calquera gasto que puidese corresponderlle pola xestión do polígono, incluso de urbanización, baixo determinadas cláusulas.

Durante o prazo de vinte días contados a partir da inserción deste anuncio no Diario Oficial de Galicia, calquera interesado poderá examina-lo expediente na Unidade Muncipal de Fomento (rúa Dona Tareixa), e formula-las alegacións que considere procedentes.

Pontevedra, 6 de novembro de 1998.

Juan Luis Pedrosa Fernández

Alcalde

Julio Dapena Outomuro

Secretario xeral

10086