En cumprimento da resolución da Alcaldía do 31-3-1999 e do disposto no artigos 79 da 13/1995, do 18 de maio, de contratos das administracións públicas, e 326 da Lei 7/1997, do 22 de xullo, da Administración local de Galicia, faise pública a licitación do seguinte contrato de xestión de servicios públicos.
1. Obxecto: arrendamento da explotación das instalacións municipais (café-bar, vestiarios e duchas) da praia dos Bloques.
2. Tramitación: ordinaria.
3. Procedemento: aberto.
4. Sistema de adxudicación: concurso.
5. Canon: 120.000 pesetas anuais (721,21 euros).
6. Prazo: ata o 30 de setembro do ano 2000, susceptible de prórroga ata 10 anos.
7. Fianza provisional: 40.000 pesetas (240,4 euros).
8. Fianza definitiva: 100.000 pesetas (601,01 euros).
9. Presentación de ofertas: durante os 26 días naturais seguintes ó da publicación deste anuncio no DOG, cos requisitos do Art. 11 do prego de condicións, presentándoas no rexistro do concello ou remitíndoas por correo, comunicándoo neste caso mediante telegrama ou fax.
O prego de condicións económico-administrativas particulares está á disposición de tódolos contratistas interesados nas oficinas xerais do Concello de Ribadeo, praza de España nº 1, 27700 Ribadeo-Lugo, teléfono 982 12 86 50, fax 982 09 75, horario de atención ó público de 9 a 14 horas de luns a venres.
10. Modelo de proposición:
«D/Dona ..... veciño/a de ..... con domicilio en ....., de DNI nº ....., en nome propio (ou en representación de .....) informado/a da licitación convocada para adxudica-lo arrendamento dos servicios de café bar, vestiarios e duchas na praia dos Bloques, comprométese a asumi-lo dito arrendamento conforme o prego de condicións particulares, que acepta integramente, para o que presenta:
a) Oferta dun canon anual para o concello, de ..... pesetas (en letra e número).
b) Experiencia en xestión de hostalería, que acredita coa seguinte documentación.
c) Propostas alternativas de mellora do servicio ou das instalacións.
Ribadeo, ..... de ..... 1999)».
11. Apertura de proposicións: será realizada pola mesa de contratación en acto público, segundo a cláusula 13 do prego, dentro dos 10 días seguites ó de remate de presentación de ofertas e logo de convocatoria dos licitadores.
Ribadeo, 31 de marzo de 1999.
José Carlos Rodríguez Andina
Alcalde