Resolución da Alcaldía do Concello de Lugo, do 15 de marzo de 1999, pola que se anuncia a aprobación das bases específicas aprobadas polo Concello Pleno, en sesión ordinaria que tivo lugar o día un de marzo actual, e que rexerán nas convocatorias das prazas vacantes no cadro de persoal para o ano 1999, mediante o sistema de concurso-oposición, quenda libre e para a provisión das que a continuación se detallan:

Funcionarios de carreira:

-Unha praza de arquitecto superior. (Grupo A).

-Unha praza de enxeñeiro de camiños, canais e portos. (Grupo A).

No BOP de Lugo, con data do 21-5-1992, foron publicadas integramente as bases xerais para a provisión de prazas mediante o sistema de concurso-oposición e, así mesmo, no citado boletín, con data do 13-3-1999, foron publicadas as bases específicas.

O prazo de presentación de solicitudes será de 20 días naturais, contados a partir do seguinte ó da publicación do extracto das convocatorias no BOE.

Os sucesivos anuncios referentes ás ditas prazas publicaranse no BOP de Lugo e no taboleiro de anuncios do concello, de conformidade co previsto nas bases.

Lugo, 16 de marzo de 1999.

O alcalde

Rubricado