En cumprimento do disposto no artigo 2, punto 4º, do Decreto 327/1991, do 4 de outubro, de avaliación dos efectos ambientais para Galicia (DOG nº 199, do 15 de outubro), e durante o prazo de vinte días, o órgano ambiental someterá o estudio de efectos ambientais ó trámite de información pública, mediante anuncio no Diario Oficial de Galicia.

Na súa virtude,

RESOLVO:

1. Someter a información pública, o estudio de efectos ambientais do proxecto de explotación de canteira Toldaos, situada no termo municipal do Incio (provincia de Lugo) e promovida por Miguel Ángel Moscoso Mao.

2. Para os devanditos efectos informativos poranse á disposición dos administrados, exemplares nas seguintes dependencias:

-Dirección Xeral de Calidade e Avaliación Ambiental.

-Delegación Provincial da Consellería de Medio Ambiente da provincia de Lugo.

-Concello do Incio.

3. As alegacións formularanse durante o dito prazo de vinte días contados a partir do día seguinte á publicación desta resolución no Diario Oficial de Galicia.

Santiago de Compostela, 25 de maio de 1999.

Francisco Pan-Montojo González

Director xeral de Calidade e Avaliación Ambiental