De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á persoa que se relaciona no anexo, na súa condición de promotor, a proposta de resolución que formula o instructor, polos feitos sinalados, presumiblemente constitutivos dunha infracción á Lei 22/1988, do 28 de xullo, de costas (no sucesivo LC) e do seu regulamento (en adiante RC);

O que se lle comunica ó interesado de conformidade cos artigos 19.1º do R.D. 1398/1993 e 194.10º do Regulamento de costas, para que no prazo de quince (15) días, a partir da publicación deste anuncio no Diario Oficial de Galicia, poida obte-las copias dos documentos que constan no expediente que considere oportunos e formula-las alegacións e presenta-los documentos que crea pertinentes, perante o instructor do procedemento.

Pontevedra, 18 de maio de 1999.

José Luis Díez Yáñez

Delegado provincial de Pontevedra

ANEXO

Expediente número: 72.3/97.

Denunciado: Roberto Roupeiro López.

Condición: promotor.

Último enderezo coñecido: Tuimil-Viso; T.M. de Redondela.

Data da proposta: 18-5-1999.

Feitos: adecentamento dunha caseta existente, destinada a garda de apeiros de pesca, para uso habitacional.

Lugar: praia de Cesantes.

Concello: Redondela.

Proposta: en aplicación dos artigos 95.1º e 97.1º da LC e artigos 179.1º e 180 b) do RC proponse a imposición a Roberto Roupeiro López, na súa condición de promotor, dunha multa de sesenta e unha mil catrocentas setenta e catro pesetas (61.474 ptas.), que deberá aboar ingresando na conta nº 2091-0388-90-3110001181 da oficina de Caixa Galicia en Pontevedra, a citada cantidade, desde que sexa definitiva en vía administrativa a resolución que recaia e que se lle ordene volta-los terreos nos que se executou a obra obxecto deste expediente ó seu primitivo estado, debendo realizalo no prazo dun mes, desde que sexa definitiva en vía administrativa a resolución que sobre o particular recaia.