A Comisión de Goberno, o 10-5-1999 aprobou definitivamente o proxecto de urbanización do camiño de San Brais ó paso superior da estrada nacional 543, formulado por esta Administración municipal e redactado polo arquitecto xefe do Servicio de Xestión e Disciplina Urbanística, tendo que proceder

Centros Comerciales Continente, S.A. como promotora da urbanización, a realiza-la efectiva execución destas obras consonte o proxecto aprobado, pola súa conta e medios, baixo a dirección e control desta Administración municipal e suxeitándose a determinadas condicións, tendo designados a Alcaldía como facultativos directores das obras ó enxeñeiro xefe dos Servicios Técnicos Municipais e enxeñeiro técnico de Obras Públicas xefe das Brigadas Municipais.

O que se fai público para a súa executividade, subliñándose que contra este acto administrativo, que pon fin á vía administrativa, se poderá interpoñer ben o recurso potestativo de reposición perante o mesmo órgano que a dictou e no prazo dun mes contado desde o día seguinte ó da súa modificación, consonte co establecido no artigo 116.1º da Lei 30/1992, do 26 de novembro, na redacción dada pola Lei 4/1999, ou ben directamente o recurso contencioso administrativo perante o Xulgado do Contencioso-Administrativo de Pontevedra no prazo de dous meses, contados a partir do día seguinte ó da súa notificación, conforme o disposto nos artigos 8.1º e 46.1º da Lei 29/1998, do 13 de xullo.

De se interpoñe-lo recurso potestativo de reposición, este deberá ser resolto e notificado no prazo dun mes segundo se establece no artigo 117.2º da citada Lei 30/1992, modificada pola Lei 4/1999, entendéndose desestimado polo transcurso do mencionado prazo sen resolución expresa, de conformidade co establecido no artigo 43.2º da Lei 30/1992, podéndose entón interpoñer recurso contencioso-administrativo dentro do prazo de seis meses contado desde o día seguinte a aquel no que se deba entender presuntamente desestimado o recurso de reposición interposto, conforme o establecido no artigo 46.1º e 4º da Lei 29/1998.

Non obstante, tamén se poderá interpoñer calquera outro recurso que os interesados consideren procedentes consonte o dereito.

Pontevedra, 24 de maio de 1999.

Juan Luis Pedrosa Fernández

Alcalde

Julio Dapena Outomuro

Secretario xeral