En cumprimento do disposto no artigo 4 do Real decreto 873/1977, do 22 de abril, de desenvolvemento da Lei 19/1977, do 1 de abril, e para os efectos previstos nel, faise público que no correspondente servicio desta dirección xeral foron depositados a acta de constitución e os estatutos da Asociación Gallega de Detectives Privados que ten os seguintes ámbitos:

Territorial: Comunidade Autónoma de Galicia.

Profesional: poderán pertencer á devandita asociación como asociados exercentes tódolos profesionais que estean en posesión do certificado-diploma expedido polos institutos universitarios de criminoloxía, e posúan a correspondente habilitación oficial para o exercicio da profesión de detective privado. Tamén poderán formar parte da dita asociación os

detectives que sen contar co referido diploma, se encontren en posesión da correspondente habilitación oficial para o exercicio profesional.

Asinan a acta de constitución: Víctor Fernández Martínez e nove persoas máis.

Santiago de Compostela, 20 de setembro de 1999.

José María Fernández Olea

Director xeral de Relacións Laborais