De conformidade co disposto polo artigo 59.4º da Lei 30/1992, do 26 de novembro (BOE do 27), de réxime xurídico das administracións públicas e do procedemento administrativo común, notifícaselles ás personas que nos anexos se mencionan a incoación de expediente sancionador por presuntas infraccións da Lei 7/1992 do 24 de xullo, de pesca fluvial (DOG nº 151, do 5 de agosto) e do seu regulamento, aprobado polo Decreto 130/1997, do 14 de maio (DOG nº 106, do 4 de xuño).

Noméase instructora do expediente a Miriam López Areal, funcionaria desta delegación; o réxime de recusación é o establecido nos artigos 28 e 29 da Lei 30/1992.

Para os efectos previstos na Lei de réxime xurídico das administracións públicas e do procedemento administrativo común, os expedientados disporán dun prazo de quince (15) días hábiles, contados a partir do seguinte ó da publicación desta notificación, para que poidan examina-los expedientes nesta delegación provincial, sita na rúa do Paseo, 18-5º, e achega-las alegacións, documentos e informacións que consideren convenientes na súa defensa e, se é o caso, propoñer proba concretando os medios de que pretenden valerse.

De non efectuaren ningunha alegación no prazo fixado, este acordo de incoación poderá ser considerado proposta de resolución, conforme o establecido no artigo 13.2º do Regulamento para o exercicio da potestade sancionadora, aprobado polo Real decreto 1398/1993, do 4 de agosto.

Ourense, 20 de agosto de 1999.

Agustín Prado Verdeal

Delegado Provincial de Ourense

ANEXO I

Expediente: OU 109/99P.

Denunciado: Juan Manuel Casco Morán.

DNI: 44.428.502.

Último domicilio coñecido: Primero de Mayo, bloque 8-2º Esquda. Ourense.

Feito denunciado: pescar sen licencia en vigor.

Precepto infrinxido e sancionador: artigo 34.1º da Lei de pesca fluvial.

Sanción: multa de entre 50.001 pesetas e 500.000 pesetas, e inhabilitación para obte-la licencia de pesca durante un ano.

Instructora: Miriam López Areal.

ANEXO II

Expediente: OU 137/99P.

Denunciado: Manuel Fernández Vázquez.

DNI: 34.925.596.

Último domicilio coñecido: Ramón Puga, 19. Ourense.

Feito denunciado: pescar ás 3 horas da madrugada, utilizando unha cana de cinco corpos e catro sedelas dormentes, tres con dous anzois.

Precepto infrinxido e sancionador: artigo 35.5º da Lei de pesca fluvial.

Sanción: multa de entre 500.001 pesetas e 5.000.000 de pesetas, e inhabilitación para obte-la licencia de pesca durante un ano e un día a tres anos.

Instructora: Miriam López Areal.