Para os efectos previstos no artigo 28 do regulamento para a execución da Lei 13/1989, do 10 de outubro, de montes veciñais en man común, o Decreto 260/1992, do 4 de setembro, e de conformidade co disposto no artigo 60.1º da Lei 30/1992, do 26 de novembro, de réxime xurídico das administracións públicas e do procedemento administrativo común, faise público que o Xurado Provincial de Montes Veciñais en Man Común de Lugo, na sesión que tivo lugar o 15 de xuño de 1999 na sala de xuntas da delegación provincial da Consellería de Medio Ambiente, baixo a presidencia do seu delegado provincial, e coa asistencia do vicepresidente Francisco Caamaño Pajares, os vocais Manuel Martínez Garrido, Manuel Veiga Franco, José Antonio Illán Torrón, Emilio Sánchez Coto e do secretario Luis Quiroga Arnal, dictou a resolución de non clasificar como veciñais en man común os montes seguintes:

Expediente número 10/1995: monte Muria, Cruces, Confitela e Aranda, no lugar de Castelmaría, parroquia de Quintá, concello de Becerreá.

Expediente número 17/1998: monte Salto-N e Coto da Barroca-N, nos lugares de Venta e Guioncho, parroquia de Lieiro, concello de Cervo.

Expediente número 18/1998: monte das Gándaras, Gándara Vella, Lamaxuanas e Coutado, na parroquia de Santo André de Chamoso, concello do Corgo.

Expediente número 19/1998: monte das Gándaras, na parroquia do Corgo, concello do Corgo.

Expediente número 20/1998: monte de Adai, na parroquia de Adai, concello do Corgo.

Expediente número 21/1998: monte de Cerceda, na parroquia de Cerceda, concello do Corgo.

Expediente número 22/1998: monte Cotón, Castrillón-Lama Grande e Guzal, na parroquia do Alto, concello do Corgo.

Expediente número 24/1998: monte de Cabántigos e da Güela, na parroquia de Vilamaior, concello de Sarria.

Expediente número 25/1998: monte Louxeira, no lugar de Saa, parroquia de Insua, concello de Vilalba.

Expediente número 26/1998: monte Mouzón, no lugar de Cotoriña, parroquia de Insua, concello de Vilalba.

Expediente número 27/1998: monte de Rigueira, na parroquia de Rigueira, concello de Xove.

Contra esta resolución e desde a súa notificación ou publicación poderá interporse recurso potestativo de reposición no prazo dun mes perante o Xurado Provincial de Montes Veciñais en Man Común de Lugo, ou recurso contencioso-administrativo no prazo de dous meses perante o Xulgado do Contencioso-Administrativo de Lugo, de conformidade co disposto no artigo 46.1º da Lei 29/1998, do 13 de xullo, da xurisdicción contencioso-administrativa, en relación co artigo 12 da Lei de montes veciñais en man común e o artigo 28 do seu regulamento, modificados os dous preceptos legais pola Lei 30/1992, do 26 de novembro, de réxime xurídico das administracións públicas e do procedemento administrativo común.

Lugo, 15 de xuño de 1999.

Luis González Vázquez

Presidente do Xurado Provincial de Montes

Veciñais en Man Común de Lugo