De conformidade co disposto no artigo 79 da LCAP, anúnciase concurso para adxudica-la seguinte subministración:

1. Entidade adxudicadora: Concello de Lalín. Praza do Concello, nº 1. 36500 Lalín. Teléfono: 986 78 70 60. Fax: 986 78 20 42.

2. Obxecto: adquisición de contedores de 800 litros para recolla de lixo, para entregar no prazo máximo de 20 días no mercado de gando (travesía exterior de Lalín).

3. Tipo de licitación: 4.900.000 ptas. (IVE incluído).

4. Obtención de documentación e publicidade dos pregos de cláusulas administrativas particulares e de prescricións técnicas: estará de manifesto tódolos días hábiles, e ata o día anterior ó de remate de presentación de proposicións, nas oficinas municipais, secretaría. Durante os oito primeiros días hábiles seguintes ó da publicación deste anuncio poderanse presentar reclamacións contra él, suspendéndose a licitación en caso de impugnación.

5. Garantía provisional: 2% do tipo.

6. Tramitación, procedemento e forma de adxudicación: concurso público, procedemento aberto e tramitación urxente.

7. Presentación de proposicións: durante os trece días naturais seguintes ó da publicación do anuncio de licitación no DOG. A oferta manterase durante o prazo de tres meses.

8. Apertura de proposicións: terá lugar na casa do concello ás 13 horas do día hábil seguinte ó da conclusión do prazo para a presentación de proposicións; de coincidir en sábado trasladarase ó primeiro día hábil seguinte.

10. Gastos: serán por conta do adxudicatario de conformidade co establecido no prego.

Lalín, 29 de setembro de 1999.

Camilo González Bodaño

Concelleiro delegado de Lalín