O Pleno da Corporación aprobou o prego de condicións que rexerá o concurso para contratar, por procedemento aberto, tramitación urxente, a subministración de materiais para as obras do Fondo de Cooperación Local e Plano Base 99, segundo os respectivos proxectos técnicos.

De conformidade co disposto no artigo 79 da Lei 13/1995, do 18 de maio, de contratos das administracións públicas, anúnciase o concurso, se ben se aprazará cando reulte necesario, de se presentaren reclamacións.

1. Entidade adxudicataria: Concello de Xunqueira de Ambía, praza San Rosendo, 1.32670 Xunqueira de Ambía (Ourense). Teléfono: 988 43 60 40. Fax: 988 43 60 69. Dependencia que tramita o expediente: Secretaría do Concello, onde poderá obter copia do prego de condicións.

2. Obxecto do contrato: é obxecto do contrato a subministración de materiais para as obras do Fondo de Cooperación Local e Plano Base 99, segundo os respectivos proxectos técnicos.

3. Tramitación, procedemento e forma de adxudicación:

a) Tramitación: urxente.

b) Procedemento: aberto.

c) Forma: concurso.

4. Orzamento base de licitación: 13.462.470 ptas, IVE incluído, tendo en conta o prezo unitario que para cada un dos materiais obxecto do concurso figura nos respectivos proxectos.

No prezo unitario dos materiais inclúese o custo da súa posta en obra.

5. Garantías:

a) Provisional: 2% do tipo ou base de licitación.

b) Definitiva: 4% do orzamento do contrato.

6. Presentación de ofertas: dentro dos 13 días naturais contados desde o seguinte ó da publicación do anuncio de licitación no BOP ou no DOG, excepto sábados. Se o último día fose inhábil ou sábado o prazo finalizará o primeiro día hábil seguinte.

7. Gastos de anuncios: por conta do adxudicatario.

O que se fai público para cumprir co establecido no artigo 326 da Lei 3/1997, do 22 de xullo, da Administración local de Galicia.

Xunqueira de Ambía, 23 de agosto de 1999.

O alcalde

Rubricado