De conformidade co artigo 326 da Lei 7/1995, da Administración local en Galicia, anúnciase o seguinte edicto de contratación por pública poxa das obras: abastecemento e saneamento de augas no rural, zona sur de Tui-Randufe 2ª etapa da 4ª fase e abastecemento e saneamento de augas no rural, zona sur de Tui, Areas (2ª fase).

Prezo de licitación: 31.660.264 e 17.985.591, respectivamente.

As proposicións referidas á expresada licitación poderán presentarse nas oficinas deste concello no prazo de trece días naturais, en horario de 8 a 15 horas, os días laborables e de 9 a 13 horas os sábados, a partir da publicación do correspondente edicto no BOP, podéndose examinar nelas o prego de condicións e demais condicións da referida poxa.

Tui, 10 de decembro de 1999.

Antonio F. Fernández Rocha

Alcalde