Eu, Camilo J. García-Puertas Magariños, secretario do Xulgado do Social número dous de Santiago de Compostela, dou fe de que nestes autos de xuízo verbal número 853/1999, seguidos neste Xulgado do Social número dous de Santiago de Compostela, por instancia de Antonio Cierto Pazos, fronte á empresa Manuel Rosendo Fernández y Otra, S.C., Manuel Rosendo Fernández e Consuelo Corrales Cantariño, en reclamación de cantidade, se dictou, con data do 13 de abril de 2000, sentencia cunha decisión do teor literal seguinte:

«Que, estimando a demanda promovida por Antonio Cierto Pazos, fronte á empresa Manuel Rosendo Fernández y Otra, S.C., Manuel Rosendo Fernández e Consuelo Corrales Cantariño, en reclamación de cantidade, debo condenar e condeno solidariamente os demandados a lle aboaren ó demandante, polos conceptos indicados nesta resolución, a cantidade de duascentas sesenta e seis mil seiscentas vintesete pesetas (266.627 pesetas), máis un 10 % en concepto de xuro anual por mora, en proporción ó período transcorrido desde o 14 de decembro de 1999 ata

a data desta resolución, absolvendo o fondo de garantía salarial de tódalas pretensións deducidas na súa contra.

E para que lle sirva de notificación de sentencia á empresa Manuel Rosendo Fernández y Otra, S.C., e ós seus socios, Manuel Rosendo Fernández e Consuelo Corrales Cantariño, con domicilio en Porto do Son, Miñoteira, Portosín, hoxe en paradoiro descoñecido, facéndolles saber que contra ela non cabe ningún recurso e, verificado, procédase ó arquivo destas actuacións».

E así mesmo, para que conste para efectos de publicación no Diario Oficial de Galicia, expido e asino esta cédula de notificación de sentencia en Santiago de Compostela o mércores 26 de abril de 2000.

O secretario xudicial

Rubricado