O Consello da Xerencia Municipal de Urbanismo, en sesión do 6 de abril de 2000, acordou aprobar definitivamente o proxecto de urbanización do P.P. Recaré-2 (expediente 4160/401), presentado por Bienvenido Domínguez Vázquez en representación da entidade Inmobiliaria Recaré, S.A. redactado polo enxeñeiro de camiños, canles e portos Alberto Moreno García con visado do COAG con datas do 16 de xuño, 6 de agosto e 29 de setembro de 1999, e cun orzamento de execución material de 88.182.820 ptas. Isto coas precisións feitas nos informes técnicos do 19 de xullo, 27 de outubro e 3 de novembro de 1999, e sinaladamente as que seguen:

-A canalización de gas discorrerá preferentemente pola beirarrúa, debendo sinalarse claramente en superficie a traza mediante placas indicativas, as cales deberán indica-lo trazado de rede e os cambios de dirección. A interdistancia entre placas non deberá superar en ningún caso os 25 m. O manter en

perfecto estado o dito sistema de sinalización formará parte do programa de mantemento, vixilancia, inspección e control.

-Os edificios deberán dispoñer dun local para situación dos contadores de gas. Así mesmo, deberán incorpora-las conduccións necesarias desde a acometida á rede xeral, ata o cadro de contadores. Tanto as dimensións do local de contadores, como a sección das conduccións de gas, deberán estar suficientemente xustificadas.

-Deberán comunicar ó Servicio Municipal de Diversificación e Aforro o inicio das obras de canalización da rede de gas, así como o inicio das obras de iluminación pública.

-A situación exacta dos dez puntos de luz será definida conxuntamente cos técnicos municipais no replanteo previo á execución da instalación.

-Sempre deberán existir arquetas nos cambios de dirección e cruzamentos de calzada.

-Os puntos de luz que sexan retirados por motivos das obras que se van realizar deberán ser substituídos por outros provisionais, salvo que os técnicos municipais non o consideren necesario.

Contra o devandito acordo, que pon fin á vía administrativa, poderán interpoñerse os seguintes recursos:

a) Potestativo de reposición ante o Consello da Xerencia Municipal de Urbanismo de Vigo no prazo dun mes a partir do día seguinte ó da publicación deste anuncio.

b) Contencioso-administrativo ante o Tribunal Superior de Xustiza de Galicia no prazo de dous meses contados desde o día seguinte ó da publicación deste anuncio.

Nembargantes, interposto o recurso de reposición, non poderá interpoñerse recurso contencioso-administrativo ata que sexa resolto expresamente o primeiro ou se produza a súa desestimación presunta por transcurso do prazo máximo dun mes para dictar e notifica-la resolución.

c) Calquera outro recurso que se considere oportuno e sexa procedente interpoñer.

De conformidade co artigo 59 da Lei 30/1992, do 26 de novembro, LRXAP-PAC, por medio do presente anuncio, notifícase o acordo que nel se contén a tódolos propietarios afectados descoñecidos, de ignorado enderezo, respecto dos cales non se puido practica-la notificación intentada.

Vigo, 19 de abril de 2000.

Lois Pérez Castrillo

Alcalde presidente da Xerencia Municipal

de Urbanismo de Vigo