O Consello da Xerencia Municipal de Urbanismo de Vigo, en sesión do 6 de xullo de 2000, adoptou, entre outros, o seguinte acordo:

Primeiro.-Aprobar inicialmente o proxecto de urbanización para a execución do cinto perimetral

norte do campus universitario de Vigo, (expediente 4203/401), presentado pola Universidade de Vigo.

Segundo.-Solicitarlle á Universidade de Vigo que, con anterioridade á aprobación definitiva do proxecto, xustifique a autorización da Administración autonómica, no correspondente procedemento de avaliación ambiental, ó que, quede sometido o proxecto, así como a previsión das medidas e actuacións precisas para garanti-la seguridade e operatividade dos depósitos de augas próximos que abastecen a universidade, dos tubos de gas que discorren próximos ó cinto, e a reposición do poste do camiño de acceso ó parque forestal de Beade.

Terceiro.-Somete-lo acordo de aprobación inicial ó trámite de información pública durante un mes, mediante anuncio no DOG e nun dos xornais de maior tiraxe na provincia, con notificación individual a tódolos propietarios afectados.

O prazo de información pública entenderase aberto desde a primeira publicación, ata o mes, contado desde o día seguinte da derradeira publicación.

O expediente está ó dispor do público no Departamento de Información Urbanística da Xerencia de Urbanismo (planta baixa do edificio da xerencia).

O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que, por resultaren descoñecidos ou ignorarse o seu enderezo, non poidan ser notificados.

Vigo, 26 de xullo de 2000.

Lois Pérez Castrillo

Alcalde-presidente da Xerencia Municipal de Urbanismo