O Pleno do Concello de Vigo, en sesión do día 26 de xuño de 2000, adoptou o seguinte acordo:

Primeiro.-Aprobar definitivamente a modificación do estudio de detalle de ordenación de volumes e definicións de aliñacións e rasantes do ámbito delimitado no PXOU de Vigo como U.E. II-04 industrial Santo André de Comesaña (expediente 5593/411), sito entre a avda. de Ricardo Mella e o Camiño do

Caramuxo, aprobado definitivamente polo Concello-Pleno con data do 28 de decembro de 1996, conforme á documentación presentada pola comunidade de bens de Santo André de Comesaña, redactada polos arquitectos Eduardo e Arturo Fraga Fernández, con data de visado polo COAG do 22 de novembro de 1999, coa precisión de que a parcelación e asignación de edificabilidades que figura nela se considera meramente educativa, pendente de concreción no proxecto de compensación que para a execución do polígono se aprobe.

Segundo.-Proceder á publicación deste acordo de aprobación definitiva no DOG e no BOP, segundo o artigo 48 da Lei 1/1997, do 24 de marzo, do solo de Galicia, e á súa notificación persoal ós propietarios afectados, así como ás comunicacións e traslados previstos no punto 3º do devandito artigo.

Contra o devandito acordo, que pon fin á vía administrativa, poderá interpoñerse recurso contencioso-administrativo no prazo de dous meses contados a partir do día seguinte da publicación deste anuncio.

Así mesmo, o presente anuncio servirá de notificación nos termos previstos no artigo 59 da Lei de réxime xurídico das administracións públicas e do procedemento administrativo común, para todos aqueles propietarios que sexan descoñecidos, se ignore o lugar de notificación ou intentada esta, non se puidese practicar.

Vigo, 24 de xullo de 2000.

Lois Pérez Castrillo

Alcalde-presidente da Xerencia Municipal

de Urbanismo