Galego | Castellano

DOG - Xunta de Galicia -

Diario Oficial de Galicia
DOG Núm. 227 Xoves, 23 de novembro de 2000 Páx. 15.665

VI. ANUNCIOS

DA ADMINISTRACIÓN AUTONÓMICA

INSTITUTO GALEGO DA VIVENDA E SOLO

CÉDULA do 25 de setembro de 2000, da Delegación Provincial de Lugo, de notificación do inicio do expediente sancionador 46/2000 a Jesús Martínez Ares.

A Delegación Provincial do Instituto Galego da Vivenda e Solo de Lugo tramitou expediente sancionador 46/2000, seguido en virtude de denuncia formulada por Juan Carlos Saco Mirón como presidente da comunidade de propietarios do edificio sito en avenida 18 de xullo, 170 de Lugo, contra a promotora inmobiliaria Jesús Martínez Ares, finalizando este trámite con acordo de inicio de expediente sancionador por non realiza-las obras necesarias para emenda-las deficiencias denunciadas.

O citado acordo é do seguinte teor:

Acordo de inicio de expediente sancionador 46/2000.

Vista a denuncia presentada por Juan Carlos Saco Mirón na súa calidade de presidente da comunidade de propietarios do edificio nº 170 da avenida 18 de xullo de Lugo, e logo das actuacións previas practicadas, de acordo cos seguintes:

Feitos.

Primeiro.-Con data 8 de abril de 1999, por Juan Carlos Saco Mirón, formúlase denuncia ante esta delegación do Instituto Galego da Vivenda e Solo, sobre vicios e defectos de construcción no inmoble citado.

Segundo.-Consecuentemente coa denuncia formulada, abríronse dilixencias previas baixo o número 17/1999, que finalizaron con requirimento á promotora inmobiliaria Jesús Martínez Ares, para que efectuase as reparacións que se sinalaban, concedéndoselle un prazo de 10 días para remisión do proxecto e de 30 días para a súa execución.

O requirimento foi notificado a través do Diario Oficial de Galicia, con data do 7 de agosto de 2000, ó encontrarse a empresa en cuestión ausente do domicilio social.

Terceiro.-Non existe constancia nesta delegación provincial do IGVS de que a promotora denunciada atendera o requirimento efectuado de reparación das deficiencias observadas no edificio en cuestión.

Fundamentos de dereito.

1. É competente para a resolución do presente expediente o delegado provincial do Instituto Galego

da Vivenda e Solo de Lugo, de acordo co disposto no Decreto 134/1997, do 22 de maio.

2. Ó abeiro do disposto no artigo 3.2º do Regulamento do procedemento para o exercicio da potestade sancionadora Real decreto 1398/1993, do 4 de agosto, os interesados teñen dereito a formular alegacións e a achegar tódolos documentos que consideren convenientes en calquera momento do procedemento con anterioridade ó trámite de audiencia.

Poderán, así mesmo, recoñecer voluntariamente a súa responsabilidade conforme o establecido no artigo 8 do citado regulamento.

3. En particular, e segundo o artigo 16.1º do Regulamento do procedemento, os interesados dispoñen dun prazo de 15 días contados desde a notificación do presente acordo para achega-los documentos ou informacións que coiden convenientes e propoñer probas, concretando os medios dos que pretendan valerse.

4. Os feitos indicados poden ser constitutivos de infracción administrativa tipificada no punto e) 6 da Lei 13/1996, do 30 de decembro, sobre infraccións en materia de vivenda da que aparece como presunto responsable a promotora inmobiliaria Jesús Martínez Ares, podendo corresponder unha sanción de 500.001 pesetas e inhabilitación para participar en promocións de vivendas de protección oficial durante o prazo máximo de 6 anos, sen prexuízo do que resulte da tramitación do presente procedemento.

5. De acordo co artigo 153 da Lei de réxime xurídico das administracións públicas e do procedemento administrativo común, Lei 30/1992, do 26 de novembro, o presunto responsable ten dereito a coñecer, entre outros extremos, o instructor do procedemento sancionador, dereito que o artigo 13.1º do Regulamento do procedemento estende ó coñecemento do secretario, sendo o seu réxime de recusación o recollido nos artigos 28 e 29 da dita lei.

Vistos os preceptos sinalados e os demais de aplicación xeral, esta delegación

ACORDA:

Primeiro.-Incoa-lo procedemento administrativo sancionador contra a promotora Jesús Martínez Ares, como presunta responsable dos feitos sinalados.

Segundo.-Nomear instructor do expediente a Francisco Centeno Márquez xefe da Sección de Inspección e Sancións do Instituto Galego da Vivenda e Solo, e como secretario a Ángel Negrete Rico, inspector da Sección de Inspección e Sancións do Instituto Galego da Vivenda e Solo de Lugo.

Terceiro.-Conceder un prazo de quince días para que os interesados acheguen cantas alegacións, documentos e informacións consideren convenientes, e, de se-lo caso, propoñer probas concretando os medios dos que pretendan valerse.

Comuníquese o presente acordo ó órgano instructor con traslado de tódalas actuacións practicadas, e notifíqueselles ós interesados, entendendo en todo caso como tal ó inculpado, con mención expresa dos requisitos esixidos polo artigo 58.2º da Lei de réxime xurídico das administracións públicas e do procedemento administrativo común.

Lugo, 25 de setembro de 2000.

Antonio Boné Piña

Delegado provincial de Lugo