Fáiselles saber a Clarisa Fernández Pier, con último domicilio coñecido na rúa Ría de Arousa, 15-3º dta., Arteixo (A Coruña) e a Manuela Martínez López, con último domicilio coñecido na Travesía de Arteixo, 290-2º esq., Arteixo (A Coruña) que o Pleno da Corporación, en sesión do día 30 de novembro de 2000, acordou aprobar definitivamente o estudio de detalle para ordenar volumes e reaxustar aliñacións e rasantes da UA-7 das NN.SS. de planeamento no lugar das Viñas-Arteixo, promovido por Ana Pardo López e outros e redactado polo arquitecto José María Dopico Suárez.

Recursos.

Contra o presente acordo, que é definitivo en vía administrativa, poderase interpoñer ben de forma potestativa recurso de reposición ante o mesmo órgano que o dictou, ou xa directamente recurso contencioso-administrativo perante a sala correspondente do Tribunal Superior de Xustiza de Galicia no prazo de dous meses contados a partir do día seguinte ó da publicación do presente anuncio, segundo o disposto no artigo 46 da Lei 29/1998, do 13 de xullo, reguladora da devandita xurisdicción.

Se se opta por interpoñer recurso de reposición previo ó contencioso-administrativo, deberá facerse perante o órgano municipal do que dimana o presente acto no prazo dun mes contado a partir do día seguinte ó da publicación do presente anuncio, segundo o disposto nos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común, modificados pola Lei 4/1999, do 13 de xaneiro.

Contra a resolución expresa do recurso de reposición, poderase interpoñer recurso contencioso-administrativo perante a sala correspondente do Tribunal Superior de Xustiza de Galicia no prazo de dous meses contados a partir do día seguinte ó da notificación do acordo recurrido, segundo o disposto no artigo 46 da Lei 29/1998, do 13 de xullo, reguladora da devandita xurisdicción.

Contra a resolución presunta do recurso de reposición, que terá lugar transcorrido un mes desde a súa interposición sen que fose notificado, poderase interpoñer recurso contencioso-administrativo perante a sala correspondente do Tribunal Superior de Xustiza de Galicia no prazo de seis meses, con

tados a partir do día seguinte a aquel no que a resolución do devandito recurso de reposición se debería ter notificado de forma expresa (un mes desde a súa interposición), todo iso de acordo co disposto no artigo 46 da Lei 29/1998, do 13 de xullo, reguladora da xurisdicción contencioso-administrativa en relación cos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.

O que se notifica mediante a súa publicación no Diario Oficial de Galicia, para os efectos previstos no artigo 42.6º da Lei 1/1997, do solo de Galicia e no BOP para os efectos do artigo 59.4º da Lei 4/1999, de reforma da Lei 30/1992, do 26 de novembro, de réxime xurídico das administracións públicas e do procedemento administrativo común e no taboleiro de edictos deste concello.

Arteixo, 3 de xaneiro de 2001.

O alcalde-presidente

Rubricado