En sesión ordinaria que tivo lugar o día 8 de xuño de 2001, o tribunal adoptou os seguintes acordos:
Primeiro.-Publicar, nos lugares indicados na base II.2.5 da convocatoria, a relación de opositores que superaron o terceiro exercicio.
Segundo.-Convoca-los opositores da quenda libre e os de promoción interna para a realización do cuarto exercicio, o día 9 de xullo de 2001, luns, ás 16 horas, na Escola Galega de Administración Pública; r/ Madrid, 2-4, Santiago de Compostela.
De acordo coa base II.2.2 da convocatoria, a orde de actuación dos opositores iniciarase polo primeiro da letra z, comezando polos de promoción interna; a continuación, na mesma orde, intervirán os da quenda libre.
Os aspirantes deberán comparecer no lugar indicado media hora antes da sinalada para o comezo do exercicio, provistos de DNI ou documento fidedigno acreditativo da súa identidade, a xuízo do tribunal.
Santiago de Compostela, 8 de xuño de 2001.
Gonzalo Vázquez Rivas
Presidente do tribunal