Resolución pola que se acorda o inicio, polo procedemento de taxación conxunta, e se somete a información pública o expediente de expropiación forzosa dos bens e dereitos necesarios para a dotación de novas infraestructuras de servicios para centros universitarios nos campus da Coruña (Elviña e A Zapateira).

O día 14 de xuño de 2001 asinouse un convenio de colaboración entre a Consellería de Educación e Ordenación Universitaria e a Universidade da Coruña para a adquisición de terreos no campus de Elviña que permitan as obras de construcción e equipamento dun edificio para o Centro de Documentación e Arquivo, e para mellora-los accesos e a circulación viaria no campus de Elviña e A Zapateira.

O Consello da Xunta acordou a autorización do devandito convenio de colaboración, na súa reunión do trinta e un de maio de dous mil.

A adquisición dos terreos para a dotación de novas infraestructuras nos campus de Elviña e A Zapateira será realizada pola Consellería de Educación e Ordenación Universitaria, como órgano dunha Administración territorial, polo sistema de expropiación, e a Universidade da Coruña será a institución beneficiaria da expropiación, de conformidade co artigo 2 da Lei de expropiación forzosa e cos artigos 4 e 5 de seu regulamento.

As obras motivo de expropiación sitúanse en terreos comprendidos dentro dos polígonos I.1.3, II e III do plan parcial modificado do campus universitario da Coruña, aprobado polo Pleno Municipal en sesión do 18 de outubro de 1991. Os devanditos terreos están situados nos lugares de Rebanles, O Escorial e O Lagar, parroquia de Elviña, concello da Coruña.

Na súa virtude acórdase o inicio do expediente de expropiación forzosa, mediante o procedemento de taxación conxunta, dos bens e dereitos afectados pola construcción dun edificio para o Centro de

Documentación e Arquivo e a mellora de circulación no campus de Elviña e A Zapateira.

Acórdase tamén a súa publicación no Diario Oficial de Galicia en nun xornal dos de maior circulación da provincia. Así mesmo, e de acordo co previsto no artigo 145 da Lei do solo, do 24 de marzo, as taxacións notificaránselles individualmente ós que aparezan como titulares de bens ou dereitos no expediente, para que poidan formular alegacións no prazo dun mes, contado a a partir da data de notificación. Así mesmo, notificaráselle o Concello da Coruña, dando traslado da resolución.

Este anuncio servirá de notificación nos termos do artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, para tódolos propietarios e interesados directamente afectados que, por resultaren descoñecidos ou por ignorarse o seu domicilio, non poidan ser notificados individualmente.

Conforme o previsto no artigo 145 da Lei 1/1997, do 24 de marzo, do solo de Galicia, sométese o expe

diente a información pública polo prazo dun mes, para que quen poida resultar interesado formule as observacións e reclamacións que coide convenientes, en particular no que atinxe á titularidade ou valoración dos seus respectivos dereitos, podendo examina-lo proxecto nas dependencias do Servicio de Obras e Equipamento da Universidade da Coruña (sala de comisións, nº 2), Rectorado, sito na rúa da Mestranza nº 9, de luns a venres entre as 12 e as 13.30 horas, co fin de que, unha vez informados, os afectados poidan formular por escrito ante o Servicio de Supervisión de Proxectos e Expropiacións da Consellería de Educación e Ordenación Universitaria e o Servicio de Obras e Equipamento da Universidade da Coruña as alegacións que consideren oportunas, de acordo co previsto no artigo 145.2º da devandita Lei do solo de Galicia.

Santiago de Compostela, 17 de setembro de 2001.

P.D. (Orden 21-6-1996)

Máximo García Serrano

Secretario xeral da Consellería de Educación

e Ordenación Universitaria

ANEXO