De conformidade co disposto no artigo 79 da Lei de contratos das administracións públicas, anúnciase o concurso por procedemento aberto para adxudica-las obras sinaladas de saneamento en Curuxal, 1ª fase.

1. Prazo de execución: cinco meses.

2. Tipo de licitación: 10.212.500 pesetas.

3. Publicidade do prego: na Secretaría do Concello de Melón das 9 ás 14 horas en días hábiles.

4. Garantías: as provisionais serán do 2% do tipo de licitación e as definitivas do 4% do remate.

5. Presentación de proposicións: no rexistro xeral do concello en días e horas de oficina, ata as 13 horas do décimo quinto día natural seguinte ó da última publicación do anuncio no BOP de Ourense ou ben no Diario Oficial de Galicia. Se o último día fose inhábil ou sábado o prazo finalizará o primeiro día hábil seguinte.

6. Apertura de proposicións: ás 12 horas do día seguinte hábil non sábado a aquel no que termine o prazo de presentación de proposicións.

7. Modelo de proposición: o recollido na cláusula IX do prego.

Melón, 30 de agosto de 2001.

Celso Rodríguez Acuña

Alcalde