Ángel T. Sutil García, secretario xeral do Concello de Poio, certifico que o Pleno desta corporación, en sesión ordinaria realizada o día trinta e un de xullo de 2001, adoptou, entre outros, o seguinte acordo:

2322. Aprobación definitiva proxecto de compensación do polígono nº 4, presentado por Inmobiliaria Urbis, S.A. Dáse conta do expediente tramitado e que o proxecto foi aprobado inicialmente por acordo da Comisión de Goberno do 26 de febreiro de 2001, aprobándose igualmente o informe de Tasaciones Inmobiliarias, S.A. (Tinsa), coa valoración económica do aproveitamento urbanístico que corresponden ó concello do 10% de dito polígono; publicándose no DOG do 7 de marzo de 2001, así como no Diario de Pontevedra do 17 de marzo de 2001 e notificado o dito acordo á empresa promotora, sen que se presentara ningunha reclamación neste concello e entregada á promotora Urbis a escritura de propiedade dos terreos correspondentes ó dito polígono, coa inscrición rexistral deles, do 8 de xuño de 2001; a corporación por unanimidade acordou aprobar definitivamente o proxecto de compensación presentado por Urbis e confeccionado polo arquitecto José Luís Pereiro Alonso, de data outubro de 2000, coas

seguintes modificacións:

A parcela nº 1 que se cede ó concello, dunha superficie de 1.357 m, incluída a casa existente, como equipamento municipal, queda condicionada a que o concello preste aprobación ó proxecto de rehabilitación do Casal de Ferreirós, se executen as obras, se reciban estas e se cumpra o convenio urbanístico vixente.

A parcela nº 2, que se cede ó concello, dunha superficie de 6.080 m, destinada a zona verde de uso público, queda igualmente condicionada ó cumprimento do convenio urbanístico subscrito, en canto ó adecentamento dela pola promotora con cargo ós remanentes ó 10% do aproveitamento urbanístico, se se produciron.

A parcela nº 3, que se cede ó concello, dunha superficie de 5.586 m, destinada a rede viaria de uso público, condicionándose esta cesión á súa urbanización, de acordo co proxecto aprobado e recepción das obras polo concello.

A parcela nº 4, vinculada á edificación residencial do promotor, cunha superficie de 9.785 m, ademais da carga de urbanización que figura no proxecto de compensación que aquí se aproba definitivamente, queda suxeita á carga do 82,50% do importe da monetarización do 10% do aproveitamento de titularidade municipal que, segundo valoración de Tinsa, ascende a 38.400.345 pesetas, correspondendo de carga a esta parcela a cantidade de 31.680.284 pesetas.

A parcela nº 5, destinada a usos terciarios do promotor, dunha superficie de 2.014 m, ademais da carga de urbanización que figura no proxecto de compensación que aquí se aproba definitivamente, queda suxeita á carga do 17,50% do importe de monetarización do 10% do aproveitamento de titularidade municipal, que, segundo valoración de Tinsa, ascende a 38.400.345 pesetas, correspondendo de carga a esta parcela a cantidade de 6.720.106 pesetas.

Acórdase igualmente que, de conformidade co disposto nos artigos 29 e 30 do Real decreto 1093/1997, do 4 de xullo, polo que se aproban as normas complementarias ó Regulamento para a execución da Lei hipotecaria sobre inscrición no Rexistro da Propiedade de actos de natureza urbanística, deberá a sociedade promotora ceder ó concello, mediante escritura pública, as parcelas nº 1, 2 e 3 e que a cesión notarial será comunicada ó concello para a súa aceptación, se procede.

Que se proceda á publicación deste acordo de aprobación definitiva no DOG e comunicar este acordo á empresa promotora Inmobiliaria Urbis.

E para que conste, expido este certificado de orde e co visto e prace do alcalde, coa excepción do artigo 206 do ROF e RXEL, do 28 de novembro de 1986, en Poio o dous de agosto de dous mil un.

O Secretario

Rubricado

Visto e prace

O alcalde

Rubricado