A orde da Consellería de Agricultura, Gandería e Política Agroalimentaria, do 24 de maio de 2000 (DOG nº 106, do 1 de xuño) regula o procedemento para a concesión de restitucións á producción no sector dos cereais, conforme o previsto nos Regulamentos (CEE) 1766/1992, do consello, e 1722/1993, da comisión, e de acordo coas funcións que lle corresponden o Instituto Lácteo e Gandeiro de Galicia (Ilgga) para a execución da política da consellería en relación coas accións derivadas da aplicación da política agrícola común (PAC) e para o funcionamento das distintas organizacións comúns de mercados.

A devandita orde cumpre os extremos previstos, para as bases reguladoras aplicables á concesión de axudas e subvencións, no artigo 78.6º do Decreto lexislativo 1/1999, do 7 de outubro, polo que se aproba o texto refundido da Lei de réxime financiero e orzamentario de Galicia, conforme a redacción dada pola Lei 8/1999, do 30 de decembro, de medidas fiscais e orzamentarias e de función pública e actuación administrativa, polo que, previstas as bases reguladoras das restitucións á producción no sector dos cereais, con vixencia indefinida, na Orde do 24 de maio de 2000, cómpre establece-la convocatoria das devanditas restitucións para o ano 2002, mediante esta orde que, á súa vez, cumpre os requisitos esixidos no artigo 8.3º do Decreto 287/2000, do 21 de novembro, polo que se desenvolve o réxime de axudas e subvencións públicas da Comunidade Autónoma de Galicia.

Polo tanto, de acordo co disposto no artigo 30.I.3 do Estatuto de autonomía de Galicia, e no uso das facultades que me confire a Lei 1/1983, do 22 de febreiro, reguladora da Xunta e do seu presidente, modificada pola Lei 11/1988, e no Decreto 25/1998, do 22 de xaneiro

DISPOÑO:

Artigo 1º.-Obxecto.

A presente orde ten por obxecto establece-la convocatoria, para o ano 2002, das restitucións á producción no sector dos cereais, de acordo coas bases

reguladoras previstas na Orde do 24 de maio de 2000, publicadas no Diario Oficial de Galicia nº 106, do 1 de xuño de 2000.

Artigo 2º.-Condicións e finalidade.

1. Para poder acceder ás restitucións a producción no sector dos cereais, deberanse cumpri-los requisitos establecidos no artigo 2 da Orde do 24 de maio de 2000.

2. As ditas restitucións á producción, xunto coas demais medidas previstas na organización común de mercados no sector dos cereais, teñen por finalidade acada-los obxectivos da política agrícola común, establecidos no artigo 33 (versión consolidada) do tratado constitutivo da Comunidade Europea.

Artigo 3º.-Solicitudes de restitución.

As solicitudes de pagamento da restitución presentaranse no prazo e forma establecidos no artigo 5 da Orde do 24 de maio de 2000, e formularanse de acordo co modelo do anexo VIII.

Artigo 4º.-Anticipos e garantías.

Utilizado o amidón e presentada a solicitude de pagamento da restitución, o fabricante poderá solicita-lo anticipo do seu importe, achegando garantía, conforme se establece no artigo 8 da Orde do 24 de maio de 2000.

Artigo 5º.-Financiamento.

Para facer fronte ás obrigas derivadas da presente convocatoria, existe crédito adecuado e abondo na aplicación orzamentaria 09.60.614A.779.0, por im-

porte de 48.000 euros, do orzamento prorrogado de

gastos do Ilgga para 2000.

Disposicións adicionais

Primeira.-Os anexos VIII e IX da orde da Consellería de Agricultura, Gandería e Política Agroalimentaria do 24 de maio de 2000 (DOG nº 106, do 1 de xuño), pola que se establecen as bases reguladoras para as restitucións á producción no sector dos cereais, substitúense polos que figuran como anexos desta orde.

Segunda.-O solicitante poderá acudir individualmente á Axencia Estatal da Administración Tributaria (AEAT) e á Consellería de Economía e Facenda para solicita-la expedición dos certificados acreditativos de atoparse ó corrente das súas obrigas tributarias e de non ter pendente de pagamento ningunha débeda, por ningún concepto, coa Administración pública da Comunidade Autónoma de Galicia, ou, se é o caso, cubrir, debidamente asinada, a autorización que figura nos devanditos anexos VIII e IX, para os efectos de que o Ilgga os poida solicitar por vía informática.

Disposicións derradeiras

Primeira.-Facúltase o director do Ilgga para dicta-las instruccións precisas para o desenvolvemento e execución desta orde.

Segunda.-Esta disposición entrará en vigor o día seguinte ó da súa publicación no Diario Oficial de Galicia.

Santiago de Compostela, 18 de febreiro de 2002.

Juan Miguel Diz Guedes

Conselleiro de Política Agroalimentaria

e Desenvolvemento Rural