O Pleno do Concello, en sesión do 26 de marzo de 2002, adoptou o acordo seguinte:

Primeiro.-Aprobar definitivamente o proxecto de modificación puntual das normas subsidiarias municipais, recualificación de solo no lugar da Perfolla.

Segundo.-Publicar este acordo no DOG e no BOP, incluíndo neste último a definición da modificación efectuada de recualificación do espacio situado no lugar da Perfolla, destinado a equipamento dentro do solo urbano, para dar cumprimento ó disposto no artigo 70.2º da Lei reguladora das bases do réxime local.

Terceiro.-Remitir á Consellería de Política Territorial, Obras Públicas e Vivenda copia do expediente administrativo e de dous exemplares dilixenciados do documento aprobado, en cumprimento do disposto no artigo 48 da Lei 1/1997, do 24 de marzo, do solo de Galicia.

Contra o expresado acordo cabe interpoñer recurso contencioso-administrativo ante a sala correspondente do Tribunal Superior de Xustiza de Galicia, no prazo de dous meses, contados a partir do día seguinte ó da súa última publicación (no BOP ou no DOG), se ben, previamente, e con carácter potestativo, cabe interpoñer recurso de reposición ante

o Pleno do Concello no prazo dun mes. Neste caso, contra a desestimación do recurso de reposición, o prazo para interpoñe-lo recurso contencioso-administrativo será de dous meses, contados desde o día seguinte ó da notificación, ou de seis meses, contados desde a desestimación presunta, que se entenderá producida polo transcurso dun mes desde a interposición da reposición.

As Pontes de García Rodríguez, 27 de marzo de 2002.

Víctor Guerreiro Pena

Alcalde