Rematados os prazos establecidos nas dúas convocatorias autorizadas por resolucións da Presidencia de Portos de Galicia do 30 de maio de 2000, publicada no DOG nº 109, do 6 de xuño, en primeira convocatoria; así como na Resolución do 10 de xaneiro de 2001, publicada no DOG nº 12, do 17 de xaneiro, en segunda convocatoria, para a presentación de solicitudes para o outorgamento de concesións administrativas de ocupación e utilización exclusiva de prazas de amarre nas instalacións para a náutica recreativa do porto de Ares, e atopándose vacantes prazas de amarre tras realizarse as preasignacións correspondentes ás solicitudes admitidas nesta convocatoria, se anuncia, de conformidade co establecido na lexislación vixente en materia de portos, e en virtude das facultades conferidas pola Orde do 29 de xaneiro de 1996 (DOG nº 28, do 8 de febreiro), sobre delegación de competencias no presidente de Portos de Galicia, a apertura dunha nova convocatoria pública para a presentación de

solicitudes para a ocupación e utilización exclusiva de prazas de amarre no porto de Ares, por período de dous meses contados desde o día seguinte ó da publicación desta resolución no Diario Oficial de Galicia, que se rexerán polo prego de bases e de condicións aprobados para os efectos, que estarán á disposición dos interesados na sede central do ente público Portos de Galicia, sita na praza de Europa, 5-A, 6ª, 15707 Santiago de Compostela.

Santiago de Compostela, 18 de xuño de 2002.

Emilio García Gallego

Presidente do ente público Portos de Galicia