A Comisión de Goberno do concello, na sesión que tivo lugar o día 13 de maio de 2002, aprobou inicialmente o Plan parcial de ordenación do solo urbanizable non programado número 22 (SUNP-22) de Castro de Abaixo, promovido polos servicios técnicos municipais.

Na mesma sesión a Comisión de Goberno aprobou inicialmente a delimitación do polígono único do Plan parcial de ordenación do solo urbanizable non programado número 22 (SUNP-22) de Castro de Abaixo, redactada por Emuvissa, adoptando como sistema de actuación o de expropiación.

Os lindes do ámbito delimitado son:

Norte: terreos clasificados como solo urbanizable programado número 23, estrada de Pontevedra e

terreo cualificado como sistema xeral do parque lineal de Volta do Castro.

Sur: rúa de Volta do Castro de Abaixo e avda. de Antonio Fraguas.

Leste: terreos do IGVS pertencentes ó SUNP-16 Volta do Castro.

Oeste: terreos do SUNP-23, traseiras das edificacións sitas entre os números 35 a 59 da rúa de Volta do Castro e estrada de Pontevedra.

En cumprimento do que se dispón nos artigos 42.1º e 121.4º da Lei 1/1997, do solo de Galicia (LSG), os expedientes sométense a información pública durante o prazo dun mes, contado a partir do día seguinte ó da publicación deste anuncio no Diario Oficial de Galicia. Durante este prazo os interesados poderán consulta-lo expediente na Sección de Planeamento e Xestión do concello, e formula-las alegacións que xulguen oportunas, mediante escrito que se presentará no rexistro xeral do concello.

Este anuncio servirá de edicto de notificación, de acordo co previsto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común (LRXAP e PAC) ós propietarios que a seguir se relacionan no anexo.

Santiago de Compostela, 5 de xuño de 2002.

Luís Toxo Ramallo

Concelleiro delegado de Urbanismo

ANEXO