Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: L.M.T., C.T.I., R.B.T., Pedras-Carreira.

Situación: Ames.

Características técnicas: liña eléctrica aérea núa de media tensión, a 20 kV, sobre apoios de formigón e con conductor LA-56, de 510 m de lonxitude, con orixe no tramo de liña existente entre C.T. Proupín e C.T. Augapesada e final no C.T. Pedras-Carreira, que se vai instalar.

Centro de transformación, tipo intemperie, de 100 kVA e tensións de 20/0,380-0,220 kV en Pedras-Carreira do que parte rede de baixa tensión sobre apoios de formigón e conductor R.Z., de 1.015 m, discorrendo por Pedras, Carreira e Proupín.

Rede de baixa tensión sobre apoios de formigón e conductor R.Z., de 820 m con orixe no C.T. Lombao e discorrendo polo lugar. Concello de Ames.

Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.

A Coruña, 16 de xullo de 2002.

Jesús Espada Martínez

Delegado provincial da Coruña