Visto o expediente para outorgamento de autorización administrativa, aprobación do proxecto de execución e declaración de utilidade pública, en concreto, da instalación eléctrica que a continuación se detalla:

Solicitante: Hidroeléctrica del Zarzo, S.A.

Domicilio social: avda. de Arteixo, 171, 15007 A Coruña.

Denominación: L.M.T., C.T., R.B.T. Castrelo.

Situación: Pontedeume.

Características técnicas: liña eléctrica aérea de media tensión a 15/20 kV, de 96 m de lonxitude, en conductor LA-56, que parte da L.M.T. Vilanova-subestación Pedrido, entre os CC.TT. Vizús e depuradora e final no C.T. aéreo de Castrelo-Centroña de 100 kVA e conexión á baixa tensión. No termo municipal de Pontedeume.

O expediente someteuse ós trámites ordenados na Lei 54/1997, do 27 de novembro (BOE nº 285), so sector eléctrico, e no título VII do Real decreto, do 1 de decembro (BOE nº 310), sobre autorización de instalacións de enerxía eléctrica.

Na fase de información pública presentáronse as seguintes alegacións:

O propietario do predio nº 2 manifesta que é innecesaria a expropiación para instala-lo C.T., posto que en terreo contiguo e noutros predios da súa propiedade existe un C.T. xa instalado coa posibilidade de ampliar. Que o predio está destinado a construír unha vivenda.

Hidroeléctrica del Zarzo, S.A., manifesta que o transformador actual se encontra mal situado para a demanda de enerxía e ante a maior demanda de potencia no lugar de Castrelo, faise necesaria a instalación do C.T. proxectado.

O C.T. ó que fai alusión encóntrase noutra parcela e deste hai tempo fóra de servicio, a superficie ocupada foi devolta hai anos á propietaria, a cal pode facer uso tanto do voo cedido como da antiga edificación existente.

O trazado proxectado axústase ó lindeiro oeste, instalando os apoios no lindeiro e sen que a instalación limite en modo ningún a posibilidade dunha futura construcción.

Vista a Lei 54/1997, do 27 de novembro, e o Real decreto 1955/2000, do 1 de decembro, esta delegación provincial resolve:

Autorizar, aproba-lo proxecto de execución e declarar de utilidade pública, en concreto, as devanditas instalacións, nas que as características se axus

tarán en tódalas súas partes ás que figurán no anteproxecto, e ás condicións técnicas e de seguridade establecidas nos regulamentos de aplicación.

As instalacións executaranse nun prazo non superior a un ano, contado a partir da data desta resolución.

A declaración de utilidade pública leva implícita a necesidade de ocupación dos bens ou de adquisición dos dereitos afectados e implica a urxente ocupación para os efectos do artigo 52 da Lei de expropiación.

Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén podrá interpoñer calquera outro recurso que estime pertinente ó seu dereito.

A Coruña, 12 de xullo de 2002.

Jesús España Martínez

Delegado provincial da Coruña