O Xurado Provincial de Clasificación de Montes Veciñais en Man Común de Pontevedra, en sesión que tivo lugar o día 19 de outubro de 2000, acordou inicia-los trámites para a clasificación, como veciñais en man común, dos seguintes montes:
Concello: Mos.
Parroquia: Louredo.
Nome do monte: Santiaguiño.
Superficie: 0,5886 ha (superficie alegada na solicitude).
Lindes:
Norte: termo municipal de Redondela.
Sur: estrada que vai ós Cabaleiros.
Leste: camiño veciñal e estrada.
Oeste: monte veciñal en man común de Guizán nunha liña recta desde o Miliario Romano (Marco de Padrón de Ante) pasando pola esquina norte da capela de Santiaguiño (fachada de levante) e toma dirección sur en liña recta ata a estrada que vai ós Cabaleiros.
Servidumes e ocupacións:
No norte desta parcela unha vivenda con industria a nome de Camilo Campos Pedrido e fillos. Parte do xardín da capela do Santiaguiño na zona sur da parcela.
Nome do monte: Santiaguiño de Abaixo.
Superficie: 1,210 ha (superficie alegada na solicitude).
Lindes:
Norte: propiedades particulares de Luis Lago Lago, Carmen Alonso Lago, José Pereira Alonso, Antonio Pereira Ricón, Francisco Lago Rodríguez e Jesús Pereira Alonso.
Sur e oeste: estrada de Louredo a Vilar.
Leste: camiño.
Servidumes e ocupacións:
Gasoducto 28x4 m. Arqueta de auga. Apoio e voos de liñas de media e baixa tensión.
O que se pon en coñecemento de tódolos interesados, para efectos de abrir un período de información dun mes de duración contado a partir do día seguinte ó da publicación deste anuncio para que se poida examina-lo expediente e aducir perante este tempo o que se estime procedente en relación co monte de referencia, de conformidade co disposto no artigo 11 da Lei 13/1989, do 10 de outubro, de montes veciñais en man común, e no artigo 23.2º
do Decreto 260/1992, do 2 de setembro, polo que se aproba a Regulamento para a execución da dita lei.
Pontevedra, 3 de abril de 2003.
José Antonio López Rodríguez
Presidente do Xurado Provincial de Clasificación
de Montes Veciñais en Man Común de Pontevedra
