Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: L.M.T.S., C.T. Carcasia.

Situación: Noia.

Descricións técnicas: liña eléctrica de media tensión subterránea a 20 kV, coa orixe na L.M.T.S. a C.T. Verxel (expediente 52390) C.T. Irmáns Labarta (expediente 90-1/94). Conductor tipo R.H.V., e final na mesma liña unha vez entre a saia do C.T. proxectado.

Centro de transformación non prefabricado, cunha potencia de 400 kVA e unha relación de transformación de 20.000/380-220 V. Concello de Noia.

Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.

A Coruña, 3 de abril de 2003.

Jesús Espada Martínez

Delegado provincial da Coruña