O Pleno do Concello de Narón en sesión celebrada o día 28 de febreiro de 2003, aprobou definitivamente o estudio de detalle nunha parcela de solo

urbano consolidado con fronte á avda. de Catalunya, promovido por Proyco Xuvia, S.L. e redactado polo arquitecto Xosé Lois Martínez Suárez.

O acto de aprobación definitiva do citado estudio de detalle foi comunicado á Consellería de Política Territorial, Obras Públicas e Vivenda con data 12 de marzo de 2003, en cumprimento do disposto polo artigo 92.3º da Lei 9/2002, do 30 de decembro, de ordenación urbanística e protección do medio rural de Galicia.

De acordo co sinalado no artigo 92.2º da citada lei, publicouse, no BOP nº 73, do 29 de marzo de 2003, o texto íntegro da normativa.

Contra o acordo de aprobación definitiva do devandito estudio de detalle, poderase interpoñer directamente recurso contencioso-administrativo ante o Tribunal Superior de Xustiza de Galicia no prazo de dous meses, contados a partir do día seguinte ó da publicación deste anuncio; alternativamente poderá interpoñer recurso potestativo de reposición ante o Pleno do Concello de Narón no prazo dun mes, contado desde a mesma data.

Narón, 2 de abril de 2003.

Xoán Gato Díaz

Alcalde