Pola presente cédula notifícaselles ós interesados da relación adxunta, ós que non se puido practica-la notificación persoal, que a Dirección Xeral de Infraestructuras Agrarias acordou o día 19 de decembro de 2002 a aprobación do acordo da concentración de Cacheiras-Recesende II (Teo), que está exposto ó público no concello de Teo e nos lugares de costume, de conformidade co disposto nos artigos 36 e 40 da Lei 10/1985, de concentración parcelaria para Galicia, modificada pola Lei 12/2001, do 10 de setembro.

No referido acordo figura a correspondente ficha de atribucións cos predios de substitución.

Para o caso de que fosen formuladas alegacións en relación co proxecto, o resultado destas sería o que deriva das fichas de atribucións.

Contra o devandito acordo, que non é definitivo na vía administrativa, os interesados da relación adxunta poderán interpoñer recurso de alzada ante o conselleiro de Política Agroalimentaria e Desenvolvemento Rural no prazo de 30 días contados a partir do día seguinte ó da súa publicación no Diario Oficial de Galicia.

A Coruña, 6 de maio de 2003.

Jesús Collar Urquijo

Delegado provincial da Coruña