Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:
Solicitante: U. Fenosa Distribución, S.A.
Domicilio social: A Batundeira, 2, 32960 Velle.
Denominación: C.T. Videgal.
Situación: estrada de Valdrei-Maceda.
Características técnicas: centro de transformación aéreo (modifica situación C.T. Videgal) de 100 kVA, R/T 20.000/380-220 V, alimentado por liña existente de 159 m derivada desde a L.M.T. Uteco-Covelo. 90 m de liña aérea de baixa tensión.
Cumpridos os trámites ordenados na Lei 54/1997, do 27 de novembro, e no capítulo II do Real decreto 1955/2000, do 1 de decembro, sobre autorización de instalación eléctrica, esta delegación provincial resolve:
Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade esta
blecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderase interpoñer recurso de alzada ante o conselleiro de Innovación, Industria e Comercio no prazo de vinte días contados a partir do día seguinte ó da notificación desta resolución; tamén se poderá interpoñer calquera outro recurso que se estime pertinente.
Ourense, 22 de agosto de 2003.
P.S. (Resolución do conselleiro do 22-7-2002)
Gabriel Diéguez Domínguez
Secretario provincial de Ourense