De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á persoa que no anexo se menciona, a resolución do dito expediente, por infracción á Lei 9/2001, do 21 de agosto, de conservación da natureza.

1. Contra a dita resolución, caberá de conformidade co establecido nos artigos 107.1º, 114 e 115 da Lei 4/1999, de modificación da Lei 30/1992, do 26 de novembro, de réxime xurídico das administracións públicas e do procedemento administrativo común, a interposición de recurso de alzada perante o conselleiro de Medio Ambiente da Xunta de Galicia no prazo dun mes contado desde o día seguinte ó da recepción da notificación. Transcorrido o devandito prazo sen terse interposto o recurso, a resolución será firme para tódolos efectos, sen prexuízo, de se-lo caso, da procedencia do recurso extraordinario de revisión.

Transcorrido o prazo de interposición do recurso sen que este fose presentado, esta resolución será firme para tódolos efectos.

2. O importe da sanción, así como o da indemnización, farase efectivo en Caixa Galicia mediante os impresos que ten á súa disposición na Delegación de Medio Ambiente en Pontevedra (R/ Benito Corbal, nº 47-5ª planta) nos prazos seguintes:

a) As notificadas entre os días 1 e 15 de cada mes, desde a data da notificación ata o día 5 do mes seguinte ou o inmediatamente hábil posterior.

b) As notificadas entre os días 16 e último de cada mes, dende a data da notificación ata o día

20 do mes seguinte ou o inmediato hábil posterior.

De non facelo dentro do prazo sinalado, procederase ó seu cobramento pola vía de constrinximento.

Pontevedra, 18 de xullo de 2003.

José Antonio López Rodríguez

Delegado provincial de Pontevedra

ANEXO

Expediente: PO-EN-2002/31.

Denunciada: María Lourdes Mendes Rede.

Último enderezo coñecido: r/ Castelo de Numao, nº 42-2º de Ramalde-Porto (Portugal).

Feitos denunciados: acampada nos lugares expresamente prohibidos nos instrumentos de planificación dos espacios naturais protexidos.

Precepto infrinxido: artigo 63.6º da Lei 9/2001, do 21 de agosto, de conservación da natureza, en relación co Decreto 274/2001, do 27 de setembro, polo que se aproba o Plan de Ordenación dos Recursos Naturais do Parque Natural do Monte Aloia.

Precepto sancionador: artigo 71 da Lei 9/2001, de conservación da natureza.

Sanción: multa de 601,02 A para pagar conxunta e solidariamente polos catro denunciados neste expediente.