Perante este Xurado Provincial de Clasificación de Montes Veciñais en Man Común, tramítase o expe-

diente nº 381, de cualificación do monte que ten as características que se indican a continuación:

Expediente: 381.

Monte: de Beiro.

Comunidade: lugar de Beiro.

Parroquia: Argalo.

Concello: Noia.

Superficie: 18,17 ha.

Lindeiros:

É parte do monte San Lois e Armada, nº 190 do CUP.

Parcela I. Superficie 16,47 ha.

Norte: monte veciñal da parroquia de Obre, desde o piquete 114 do deslindamento do monte San Lois e Armada, situado no lugar denominado Campo Grande, en liña recta á Pedra Lada, e desta ó piquete 27 do deslindamento. Leste: predios de veciños de Beiro, do piquete 27 ó 63, seguindo a orde de piquetes. Sur: predios de veciños de Beiro, do piquete 63 ó 82, seguindo a orde de piquetes. Oeste: monte Armada e Buxain, da parroquia de Camboño, concello de Lousame, e monte Recobo, da parroquia de Miñortos, concello de Porto do Son, do piquete 82 ó 112, e deste ó 114, seguindo a orde de piquetes.

Parcela II. Superficie 1,70 ha.

Norte, leste, sur, oeste: con predios de veciños de Beiro, do piquete 288 ó 308 seguindo a orde de piquetes, e deste ó 288.

En virtude do acordado polo xurado, e en cumprimento da orde do instructor, do 22 de xullo de 2003, conforme o disposto na Lei de montes veciñais en man común, do 10 de outubro de 1989, e demais disposicións de aplicación, por medio do presente edicto faise pública a iniciación da tramitación do expediente indicado, co obxecto de que, de acordo co previsto no artigo 23 do Regulamento do 23 de setembro de 1992, para a aplicación da citada lei, cantas persoas, organismos ou corporacións resulten interesadas, poidan comparecer e intervir no expediente iniciado e formular perante o xurado, no prazo dun mes, contado a partir do día seguinte ó da publicación do presente edicto no Diario Oficial de Galicia, cantas alegacións coiden oportunas na defensa dos dereitos que crean que os asisten en relación co monte, achegando, se é o caso, a documentación que consideren conveniente ó respecto.

A Coruña, 22 de xullo de 2003.

Ana María Díaz López

Secretaria do Xurado Provincial de Clasificación de Montes Veciñais en Man Común da Coruña

Visto e prace

Juan Ramón Beneyto Bellas

Instructor