Juan Rey Pita, secretario do Xulgado do Social número tres da Coruña, dou fe e certifico que neste xulgado se seguen autos número 147/2003, por instancia de Vanessa Lopes Cabral contra a empresa Bevajeny, S.L. sobre salarios, nos que recaeu sentencia, en data do 25 de setembro que, copiada nos particulares necesarios, di así:

«Que estimando a demanda formulada por Vanessa Lopes Cabral, contra a empresa Bevajeny, S.L., condeno a esta a aboarlle-la cantidade de 2.114,91 euros, que lle debe en concepto de salarios.

Notifíquese a presente resolución ás partes facéndolles saber que contra esta cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este xulgado do social, prazo de cinco días hábiles a partir do seguinte ó da súa notificación.

Previndo a empresa demandada que para recorrer deberá acreditar ter ingresado na conta corrente de consignacións código 5604.0000.60.147/2003 de Banesto (0030) desta cidade denominada Conta do Xulgado do Social número tres o importe da condena e 150,25 euros, en concepto de depósito, sen os cales requisitos non será admitido a trámite o recurso quedando firme a sentencia.

Así, por esta miña sentencia, da que se unirá certificación ós autos orixinais para a súa notificación e cumprimento, xulgando, pronúncioo, mándoo e asínoo».

E para que conste, para efectos da súa publicación no Diario Oficial de Galicia, co fin de que sirva de notificación en forma á empresa Bevajeny, S.L., expido e asino a presente cédula na Coruña, 29 de setembro de 2003.

O secretario xudicial

Rubricado