Aprobados pola Comisión de Goberno, en data 6 de novembro de 2003, os pregos de cláusulas económico-administrativas particulares e de prescricións técnicas para a contratación por concurso da subministración dunha pa cargadora retroescavadora con martelo hidráulico para a realización de obras municipais, sométese a exposición pública polo prazo de oito días a contar desde o día seguinte ó da derradeira publicación do anuncio no BOP ou no DOG, para efectos de exame e reclamacións.

De conformidade co disposto no artigo 122.2º do R.D.L. 781/1986 anúnciase simultaneamente o concurso, aínda que a licitación se aprazará, no suposto de que sexan formuladas reclamacións contra os pregos de condicións mentres non se resolvan polo órgano competente.

1. Entidade adxudicadora.

a) Organismo: Concello de Pedrafita do Cebreiro (Lugo).

b) Dependencia que tramita o expediente: Secretaría.

2. Obxecto do contrato.

a) Descrición do obxecto: subministración dunha pa cargadora retroescavadora con martelo hidráulico.

b) Características do vehículo: as especificadas no anexo I deste prego de cláusulas.

c) Lugar de entrega: Concello de Pedrafita do Cebreiro.

d) Prazo de entrega: un mes.

3. Tramitación, procedemento e forma de adxudicación.

a) Tramitación: urxente.

b) Procedemento: aberto.

c) Forma: concurso.

4. Orzamento base de licitación: importe total 72.000 euros (IVE incluído).

5. Garantías.

Provisional: 2% do orzamento base de licitación (1.440 euros).

Definitiva: o 4% do prezo de adxudicación.

6. Obtención de documentación e información.

-Entidade: Concello de Pedrafita do Cebreiro.

-Domicilio: praza de España, 2.

-Localidade e código postal: Pedrafita do Cebreiro, 27670.

-Horario: de 9.00 a 14.00 horas, de luns a venres.

-Teléfono: 982 36 71 03. Fax: 982 36 71 50.

-Data límite de obtención de documentos e información: ata o día anterior ó de finalización de presentación de proposicións.

7. Requisitos específicos do contratista: os especificados nos pregos de cláusulas económico-administrativas particulares e técnicas.

8. Presentación das ofertas.

-Data límite de presentación: 13 días naturais contados a partir do seguinte ó anuncio da última publicación no Diario Oficial de Galicia ou no BOP.

Se o último día fose inhábil ou sábado o prazo rematará o primeiro día hábil seguinte.

-Documentación que hai que presentar: a especificada no prego de cláusulas económico-administrativas particulares.

-Lugar de presentación:

Entidade: Concello de Pedrafita do Cebreiro, rexistro xeral.

Domicilio: praza de España, 2.

Localidade e código postal: Pedrafita do Cebreiro, 27670 Lugo.

9. Apertura das ofertas.

Entidade: Concello de Pedrafita do Cebreiro.

Domicilio: praza de España, 2.

Localidade: Pedrafita do Cebreiro (Lugo).

Data: o quinto día hábil seguinte a aquel en que remate o prazo de presentación de proposicións (agás sábado).

Hora: doce (12.00) horas.

10. Criterios de base para a adxudicación.

Os recollidos na cláusula 14 dos pregos.

11. Gastos de anuncios.

Serán por conta do adxudicatario.

Pedrafita do Cebreiro, 10 de novembro de 2003.

José Luis Raposo Magdalena

Alcalde