Acordo do 17 de febreiro de 2012, de rectificación do anterior acordo da Dirección Xeral de Tributos do 24 de xaneiro de 2012, sobre poxa que se realizará o 22 de marzo de 2012, respecto do lote número 5 correspondente ao debedor Gerpe Río, Manuel, ao terse detectado un erro na fixación do tipo de poxa, xa que consta a cantidade de 3.850,93 euros, cando debería constar a de 50.074,20 euros. Por tanto, o acordo queda tal como segue:
Lote |
Descrición |
Valor |
Cargas |
Tipo 1.ª |
Tramos |
5 |
Vivenda de protección oficial no andar cuarto, sinalada coa letra 4 B1 da rúa As Rosas número 23, no lugar de Fonte Caldeira, de Carballo, cunha superficie útil de oitenta e catro metros cadrados; ten como anexo a praza de garaxe identificada co número dezaoito, no andar soto, e rocho identificado co número 10B, no andar baixo cuberta. Predio 35025 do Rexistro da Propiedade de Carballo, con número de identificación catastral 4547415NH2844N0019TJ |
70.039,20 € |
19.965,00 € |
50.074,20 € |
100 € |
De conformidade co disposto no artigo 101 do Real decreto 939/2005, do 29 de xullo, polo que se aproba o Regulamento xeral de recadación, faise constar que:
a) Están ao dispor dos interesados, na Zona de Recadación da Coruña, onde poden ser examinados ata o día anterior ao da poxa, os expedientes de constrinximento nos cales constan os títulos de propiedade dos bens ou dereitos poxados e o estado das súas cargas e gravames, cos que se deberá conformar, sen ter dereito a exixir outros.
b) Cando se trate de bens ou dereitos inscritibles nos rexistros públicos, os licitadores non terán dereito a exixir outros títulos de propiedade que os achegados no expediente; que, de non estar inscritos os bens ou dereitos no rexistro, o documento público de venda é título mediante o cal se pode efectuar a inmatriculación nos termos previstos na lexislación hipotecaria e que, nos demais casos en que sexa preciso, deberán proceder, se lles interesa, como dispón o título VI da Lei hipotecaria, para levar a cabo a concordancia entre o rexistro e a realidade xurídica.
c) As cargas e gravames que subsistisen ao crédito dos executantes continuarán subsistindo, entendéndose que o rematante os acepta e queda subrogado nas súas responsabilidades, sen destinarse á súa extinción o prezo do remate.
d) No tipo da poxa non se inclúen os impostos indirectos que graven a transmisión dos ditos bens ou dereitos.
e) A obriga de constituír ante a mesa de poxa con anterioridade á súa realización un depósito do 20% do tipo de poxa. De forma motivada poderá reducirse este depósito ata un mínimo do 10%. Se os adxudicatarios non satisfán o prezo do remate, o dito depósito aplicarase á cancelación da débeda, sen prexuízo das responsabilidades en que poidan incorrer polos prexuízos que orixine a falta de pagamento do prezo de remate. O depósito deberá constituírse mediante cheque que cumpra os requisitos establecidos no artigo 35.1 do Regulamento xeral de recadación ou por calquera medio que se habilite para o efecto.
f) A poxa suspenderase en calquera momento anterior á adxudicación de bens ou dereitos se se fai o pagamento da contía establecida no artigo 169.1 da Lei 58/2003, do 17 de decembro, xeral tributaria.
g) O adxudicatario entregará no acto da adxudicación ou dentro dos 15 días seguintes a diferenza entre o depósito constituído e o prezo da adxudicación.
h) Admitiranse ofertas en sobre pechado. Nese caso, a mesa de poxa substituirá os licitadores, poxando por eles na forma prevista para o efecto.
i) Despois de ter lugar a primera licitación, a mesa poderá acordar a realización dunha segunda licitación, logo da deliberación da súa conveniencia. Neste caso admitiranse poxas que cubran o novo tipo, que será o 75% do tipo de poxa en primeira licitación.
j) De conformidade co disposto no artigo 107 do Regulamento xeral de recadación, se quedasen bens sen adxudicar iniciarase o trámite de adxudicación directa polo prazo de seis meses, e poderanse presentar ofertas en sobre pechado a partir dese momento á mesa de poxa.
A mesa de poxa abrirá as ofertas presentadas cando remate o prazo do mes seguinte ao do seu inicio, e poderá proceder á adxudicación dos bens se algunha delas se considera suficiente nese momento. No caso contrario, anunciarase a extensión dun mes máis para a presentación de novas ofertas ou mellora das existentes, sen prexuízo da validez das ofertas presentadas ata ese momento; e así sucesivamente, co límite total de seis meses.
A Coruña, 17 de febreiro de 2012.
Julián Benavides Delgado
Recadador de zona da Coruña