No presente procedemento, seguido por instancia da Comunidade de Propietarios do Edificio Lecer fronte a Mariela Silvina Rodríguez e Gabriel Ramón Ruiz, ditouse sentenza cuxo teor literal é o seguinte:

«En Santiago de Compostela, 17 de novembro de 2011.

Sentenza.

Vistas por min, Ana Belén López Otero, maxistrada xuíza do Xulgado de Primeira Instancia número 4 de Santiago de Compostela, as presentes actuacións de xuízo verbal tramitadas co número 36/2011, no cal interviñeron, como demandante, a Comunidade de Propietarios do Edificio Lecer, representada polo procurador dos tribunais Sr. Merelles Pérez e asistida polo letrado Sr. Pérez Romero, e como demandados, Mariela Silvina Rodríguez e Gabriel Ramón Ruiz, en situación de rebeldía, en virtude das seguintes consideracións,

Dispoño:

Aceptar a demanda interposta pola Comunidade de Propietarios do Edificio Lecer e, en consecuencia, condénase a Mariela Silvina Rodríguez e Gabriel Ramón Ruiz a pagar á demandante a suma de 471,06 euros máis os xuros legais desde a interposición da demanda, todo iso con expresa imposición de custas á demandada.

E atopándose os ditos demandados en paradoiro descoñecido, expídese este edicto co fin de que lle sirva de notificación en forma a estes.

Santiago de Compostela, 6 de febreiro de 2012.

A secretaria xudicial