María Mercedes Santos García, secretaria xudicial de reforzo do Xulgado do Social número 1 da Coruña, fago saber que no procedemento P.O. 340/2011, seguido neste xulgado, se ditou sentenza cuxo encabezamento e decisión son do teor literal seguinte:

«A Coruña, nove de febreiro de dous mil doce. Unha vez vistos por Montserrat Matos Salgado, maxistrada xuíza substituta do Xulgado do Social número 1 (reforzo) desta cidade, os autos n.º 340/2011, promovidos por instancia de José Ramón Rey Veiras, representado pola súa letrada, Sra. Liste López, e contra a empresa Galeconfort, S.L., non comparecida no acto do xuízo, tendo sido citado o Fogasa, que non comparece, e versando a litis sobre reclamación de salarios.

Resolvo que, aceptando integramente a demanda formulada por José Ramón Rey Veiras, representado pola súa letrada, Sra. Liste López, e contra a empresa Galeconfort, S.L., non comparecida no acto do xuízo, tendo sido citado o Fogasa, que non comparece, debo condenar e condeno a demandada a lle aboar á demandante a suma de 4.198,17 euros no sentido exposto no fundamento primeiro, incrementada cos xuros moratorios pertinentes. Así mesmo, debo absolver e absolvo o Fogasa sen prexuízo da súa responsabilidade subsidiaria nos casos previstos no artigo 33 do ET. Notifíqueselles esta sentenza ás partes advertindo que contra ela poderán interpor recurso de suplicación ante o Tribunal Superior de Xustiza, que deberá ser anunciado por comparecencia, ou mediante escrito, neste xulgado, dentro dos cinco días seguintes ao da notificación desta sentenza, pasados os cales, declararase firme e procederase ao seu arquivamento. Advírtase igualmente o recorrente que non for traballador ou beneficiario do réxime público da Seguridade Social, ou seu habente causa, ou que non teña recoñecido o beneficio de xustiza gratuíta, que deberá depositar a cantidade de 300 euros (artigo 229 da Lei 36/2011, do 11 de outubro, reguladora da xurisdición social) na conta aberta na entidade Banesto a nome deste xulgado».

E para que lle sirva de notificación en legal forma á empresa Galeconfort,S.L., en paradoiro ignorado, expido este edicto para a súa inserción no Diario Oficial de Galicia.

A Coruña, 15 de marzo de 2012.

A secretaria xudicial