No procedemento de referencia ditouse sentenza cuxo encabezamento e resolución son do seguinte teor literal:
«Sentenza número 8/12.
No Porriño o 24 de xaneiro de 2012.
Demandantes: Adolfo Varela Rey; Germán Blanco Fernández e José Carlos Blanco Sotelo.
Procuradora: Sra. De Miguel González.
Letrado: Sr. Lago Franco.
Demandada: Zona Sur Producciones, S.L.
Resolvo que estimo integramente a demanda presentada pola procuradora Sra. De Miguel González, en nome e representación de Adolfo Varela Rey, Germán Blanco Fernández e José Carlos Blanco Sotelo, e condeno a entidade Zona Sur Producciones, S.L. a aboar aos demandantes a cantidade de sesenta mil euros (60.000 euros), incrementada nos xuros previstos no fundamento xurídico terceiro desta resolución, e todo iso con expresa condena en custas á parte demandada.
Notifíqueselles ás partes en legal forma.
Modo de impugnación: esta resolución non é firme, e contra ela cabe interpoñer, ante este xulgado, recurso de apelación, para ante a Audiencia Provincial de Pontevedra, dentro do prazo de 20 días contados desde o día seguinte á notificación desta resolución.
Conforme a disposición adicional décimo quinta da LOPX, para a admisión do recurso deberase acreditar ter constituído, na conta de depósitos e consignacións deste órgano, un depósito de 50 euros, salvo que o recorrente sexa beneficiario de xustiza gratuíta, o Ministerio Fiscal, o Estado, comunidade autónoma, entidade local ou organismo autónomo dependente.
O depósito deberá constituílo ingresando a citada cantidade no Banesto, na conta deste expediente 1942 0000 03 030011, sinalando no campo concepto, a indicación Recurso seguida do código 02 Civil-Apelación.
Se o ingreso se fai mediante transferencia bancaria deberá incluír, tras a conta referida, separada por un espazo a indicación recurso seguida do código 02 Civil-Apelación.
No caso de que deba realizar outros pagamentos na mesma conta, deberá verificar un ingreso por cada concepto, mesmo se obedecen a outros recursos da mesma ou distinta clase indicando, neste caso, no campo observacións a data da resolución impugnada co formato dd/mm/aaaa».
E, como consecuencia do ignorado paradoiro de Zona Sur Producciones, S.L. expídese este para que sirva de notificación da sentenza recaída nas actuacións.
O Porriño, 8 de marzo de 2012.
O/a secretario/a xudicial