Visto o oficio do Tribunal Superior de Xustiza de Galicia CON/AD Secc 1 001, ditado no procedemento ordinario 0000055/2011, polo cal se reclama o expediente administrativo do recurso contencioso-administrativo interposto por Fulgencio Valentín Fraga Fraga contra o acordo da Consellería do Medio Rural e do Mar, ditado no expediente de concentración parcelaria para Vilapedre (Vilalba-Lugo),
A consellería, de conformidade co disposto nos artigos 48 e seguintes da Lei 29/1998, do 13 de xullo, reguladora da xurisdición contencioso-administrativa, resolveu:
A remisión do correspondente expediente administrativo ao referido tribunal, notificando e emprazando as persoas interesadas no procedementos para que poidan comparecer e mostrarse parte nos autos mediante procurador e con asistencia de letrado con poder para o efecto, no Tribunal Superior de Xustiza de Galicia na Coruña, no prazo de nove días, contados desde o seguinte á publicación deste anuncio, se o consideran conveniente.
De non compareceren no prazo citado, continuará o procedemento polos seus trámites, sen que teña que practicárselles notificación de ningunha clase.
O que se fai público para os efectos de notificación e emprazamento aos interesados no procedemento.
Lugo, 11 de abril de 2012.
José Ramón Losada Fernández
Xefe territorial de Lugo