Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 120 Luns, 25 de xuño de 2012 Páx. 25290

V. Administración de xustiza

Xulgado do Social número 1 da Coruña

EDICTO (1125/2011).

María Blanco Aquino, secretaria xudicial do Xulgado do Social número 1 da Coruña, fai saber que no procedemento despedimento/cesamentos en xeral 1125/2011 deste xulgado do social, seguido por instancia de Jorge Justo Moroño contra a empresa Texdigital, S.L. e Fogasa, sobre despedimento, se ditou a seguinte resolución, cuxa parte dispositiva se xunta:

«Que debo estimar e estimo integramente a demanda interposta por Jorge Justo Moroño, con DNI 32840047-A, contra a empresa Texdigital, S.L. e os seus administradores concursais, e cualifico como improcedente o despedimento tácito con data do 28 de setembro de 2011 e, ante a imposibilidade de readmisión, declaro extinguida a relación laboral do demandante coa empresa demandada, con efectos do día de hoxe, 24 de febreiro de 2012, e condeno a dita entidade a se ater á anterior declaración, así como ao aboamento ao sr. Justo das seguintes cantidades:

Indemnización

Salarios de trámite 28.9.2011-24.2.2012

14.275,50 euros

9.210 euros

(232,5 días a 61,40 euros/día)

Notifíqueselles esta sentenza ás partes e fágaselles saber que non é firme e cabe interpor contra ela recurso de suplicación para ante a Sala do Social do Tribunal Superior de Xustiza de Galicia, que se deberá anunciar mediante escrito ou comparecencia ante este xulgado no prazo de cinco días contados a partir do seguinte ao da súa notificación. De ser recorrente, a empresa demandada deberá acreditar, mediante a exhibición ante este xulgado do xustificante acreditativo de que depositou a cantidade obxecto de condena (clave de ingreso 1531-60) na conta deste xulgado, aberta en Banesto. A consignación en metálico poderase substituír por aseguramento mediante aval bancario, no cal se fará constar a responsabilidade solidaria do avalista. Tamén deberá acreditar na indicada conta (clave de ingreso 1531-34) a consignación da suma de 300 euros preceptiva para recorrer. Sen este requisito non se considerará anunciado o recurso.

Así, por esta miña sentenza, definitivamente xulgando en primeira instancia, pronúncioo, mándoo e asínoo».

Advírtese o destinatario de que as seguintes comunicación se farán fixando copia da resolución ou da cédula no taboleiro de anuncios da oficina xudicial, agás no suposto da comunicación das resolucións que sexan autos ou sentenzas, ou cando se trate de emprazamentos.

E para que lle sirva de notificación en legal forma a Texdigital, S.L., en ignorado paradoiro, expídese esta cédula para a súa inserción no Diario Oficial de Galicia.

A Coruña, 5 de xuño de 2012

A secretaria xudicial