Visto o expediente para outorgamento de autorización administrativa e de aprobación do proxecto de execución da instalación eléctrica que a seguir se cita:
Solicitante: Unión Fenosa Distribución, S.A.
Domicilio social: avda. de Arteixo, 171,15007 A Coruña.
Denominación: LMTS, CT e RBTS. R/ Rosalía de Castro (proxecto e anexo 1).
Situación: concello de Oleiros.
Características técnicas:
Liña eléctrica subterránea de media tensión ao CT Rosalía de Castro, nº 35, a 15/20 kV, cunha lonxitude de 0,344 km, coa orixe en empalmes proxectados na LMTS, SMC-716 (expediente 31.959), tramo entre o CT urbanización Areal Mar e o CT Caavamontes (expediente 290/1996), en condutor RHZ1-OL-12/20 kV 3(1×1240 Al), e final no CT Rosalía de Castro nº 35 proxectado.
Centro de transformación cunha potencia de 400 kVA e unha relación de transformación 15.000/400-230 V.
Rede de baixa tensión aérea de 90 m de lonxitude en RZ e subterráneos 193 m.
Cumpridos os trámites ordenados na Lei 54/1997, do 27 de novembro (BOE nº 285), do sector eléctrico, e no título VII, capítulo II do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, esta xefatura territorial resolve:
Autorizar e aprobar o proxecto de execución da dita instalación, cuxas características se axustarán en todas as súas partes ás que figuran nel e ás condicións técnicas e de seguridade establecidas nos regulamentos de aplicación.
Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao ambiente.
A instalación executarase nun prazo non superior a un ano, contado a partir da data desta resolución.
Contra esta resolución poderase interpor recurso de alzada ante o conselleiro de Economía e Industria no prazo dun mes contado a partir do día seguinte ao da notificación desta resolución; tamén se poderá interpor calquera outro recurso que se considere pertinente.
A Coruña, 25 de xuño de 2012
Susana Vázquez Romero
Xefa territorial da Coruña