María Mercedes Santos García, secretaria xudicial de reforzo do Xulgado do Social número 2 da Coruña, fago saber que no procedemento de demanda 1357/2009, seguido neste xulgado, se ditou sentenza cuxo encabezamento e ditame é do teor literal seguinte:
«Na Coruña, 7 de xuño de 2012. Vistos por Montserrat Matos Salgado, maxistrada xuíza substituta do Xulgado do Social número 2 (reforzo) da Coruña, os autos número 1357/2009, promovidos por instancia de Jesús Pensado Pichel, representado polo seu letrado Sr. Nogueira Esmorís, contra a empresa Santiago Ortiz Lavin, que non comparece no acto do xuízo, e o Fogasa, que tampouco comparece; a litis versa sobre reclamación de salarios.
Decido que, estimando a demanda formulada por Jesús Pensado Pichel representado polo seu letrado Sr. Nogueira Esmorís e contra a empresa Santiago Ortiz Lavin, non comparecida no acto do xuízo e o Fogasa, que tampouco comparece, debo condenar e condeno a demandada a aboar á demandante a suma de 9.802,36 euros no sentido exposto no fundamento primeiro, incrementada cos xuros moratorios pertinentes. Así mesmo, debo absolver e absolvo o Fogasa, sen prexuízo da súa responsabilidade subsidiaria nos casos previstos no artigo 33 ET. Notifíquese esta sentenza ás partes advertindo que contra ela poderán interpoñer recurso de suplicación ante o Tribunal Superior de Xustiza, que deberá ser anunciado por comparecencia ou mediante escrito neste xulgado dentro dos cinco días seguintes á notificación desta sentenza, pasados os cales se declarará firme e se procederá ao seu arquivamento. Advírtase igualmente ao recorrente que non sexa traballador ou beneficiario do réxime público de seguridade social, ou habente causa seu, ou non teña recoñecido o beneficio de xustiza gratuíta, que deberá depositar a cantidade de 300 euros (artigo 229 Lei 36/2011, do 11 de outubro, reguladora da xurisdición social) na conta aberta na entidade Banesto a nome deste xulgado».
E para que sirva de notificación en legal forma á empresa Santiago Ortiz Lavin expido o presente edicto para a súa inserción no Diario Oficial de Galicia.
A Coruña, 23 de xuño de 2012
A secretaria xudicial
