A Xunta de Goberno Local, en sesión que tivo lugar o día 1 de xuño de 2012, adoptou, entre outros, o seguinte acordo:

«Primeiro. Admitir a trámite, con carácter de aprobación inicial, o estudo de detalle para ordenar volumes do Colexio de Fomento Peñarredonda.

Segundo. Someter o estudo de detalle ao trámite de exposición pública durante o prazo de vinte días hábiles, mediante publicacións no Diario Oficial de Galicia e na prensa local.

Terceiro. Ordenar a dilixencia do estudo de detalle presentado o 8 de febreiro de 2012.

Cuarto. Notificarlles este acordo ao promotor do estudo de detalle, aos titulares catastrais, aos departamentos municipais de Xestión do Solo, Licenzas e Disciplina Urbanística, Sección de Patrimonio Urbanístico e oficina do GIS.

Quinto. Solicitar os informes sectoriais necesarios para a tramitación do expediente.»

O estudo de detalle sométese ao trámite de información pública durante o prazo de vinte días hábiles, contados a partir do día seguinte ao da súa publicación, período durante o cal calquera interesado poderá consultalo e presentar as alegacións que considere oportunas. A consulta pode efectuarse no Servizo Municipal de Urbanismo, Departamento de Planeamento (praza de Indalecio Prieto 1-3), en horario laboral, de luns a venres, así como na páxina web do concello.

Os gastos desta publicación serán por conta da Federación de Entidades Inmobiliarias, S.A. (Feisa).

A Coruña, 7 de xuño de 2012

César de Jesús Otero Grille
Director de Urbanismo