Examinada a solicitude de inscrición no Rexistro de Entidades de Promoción do Camiño de Santiago, presentada pola Asociación Iacobus Cofradía de Santiago de Tui e Baixo Miño, do 27 de xuño de 2012.

Visto o Decreto 45/2001, do 1 de febreiro, de refundición da normativa en materia do Camiño de Santiago, modificado en parte polo Decreto 209/2002, do 13 de xuño.

Visto igualmente o informe da Subdirección Xeral de Protección do Patrimonio Cultural, emitido de acordo co artigo 23 do mencionado decreto, segundo o cal «as entidades solicitantes deberán ter como finalidade a recuperación, conservación e promoción dos camiños de Santiago, así como a difusión da cultura derivada destes».

Considerando que segundo o artigo 26 a solicitude foi presentada segundo o modelo que figura no anexo e acompañada da documentación pertinente.

Considerando que a solicitude presentada cumpre as normas establecidas no decreto de referencia.

RESOLVO:

Que a Asociación Iacobus Cofradía de Santiago de Tui e Baixo Miño quede inscrita no Rexistro de Entidades de Promoción do Camiño de Santiago co número 199.

Santiago de Compostela, 17 de setembro de 2012

P.D. (Orde do 25.1.2012)
Anxo Manuel Lorenzo Suárez
Secretario xeral de Cultura