Número de autos: despido/cesamentos en xeral 634/2012.

Demandante: Elizabeth Vázquez Arias.

Avogada: Cristina Gómez Lozano.

Demandadas: Hotelera del Noroeste, S.A., Rosas y Grelos, S.L.

Juan Rey Pita, secretario xudicial do Xulgado do Social número 3 da Coruña, fago saber que no procedemento de despedimento/cesamentos en xeral 634/2012 deste xulgado do social, seguido por instancia de Elizabeth Vázquez Arias contra a empresa Hotelera del Noroeste, S.A., Rosas y Grelos, S.L., sobre despedimento, se ditou a seguinte resolución:

«A Coruña, dous de outubro de dous mil doce.

Carlos Villarino Moure, maxistrado xuíz do Xulgado do Social número 3 da Coruña, tras ter visto o presente de despedimento/cesamentos en xeral 634/2012 por instancia de Elizabeth Vázquez Arias e comparece asistida pola letrada Sandra Garrido Fernández contra Hotelera del Noroeste, S.A., comparece no seu nome e representación Miguel Salas Rey asistido polo letrado Ángel Luis Rodríguez Rodríguez, a empresa Rosas y Grelos, S.L. non comparece malia estar citada en legal forma.

Decisión:

1º. Estimo a demanda sobre despedimento formulada por Elizabeth Vázquez Arias fronte á empresa Rosas y Grelos, S.L. e declaro a improcedencia do despedimento con condena da empresa indicada a que readmita inmediatamente o traballador nas mesmas condicións que rexían antes de se producir o despedimento, ou ben, á elección da empresa, á extinción da relación laboral con aboamento da indemnización detallada no número segundo desta decisión. Todo iso con aboamento, no caso de opción pola readmisión, dos salarios de tramitación que non percibise ata a data da notificación da presente sentenza.

A dita opción deberá exercerse en 5 días a partir da notificación desta sentenza, mediante escrito ou comparecencia ante este xulgado. Transcorrido o dito termo sen que se tivese optado, entenderase que procede a readmisión.

2º. A indemnización e os salarios de tramitación que deberá aboar a empresa demandada son os seguintes:

– En concepto de indemnización, e de optar a empresa por ela: 1.050,66 euros (mil cincuenta con sesenta e seis céntimos de euro).

– En concepto de salarios de trámite para o caso de opción pola readmisión, os deixados de percibir desde a data do despedimento e ata a notificación da presente sentenza calculados a razón de 41,61 €/día, e que ata a data da presente sentenza ascenden a 8.945,94 euros.

3º. Desestímase a demanda respecto da codemandada Hotelera del Noroeste, S.A.

Notifíqueselles esta sentenza ás partes advertindo que contra ela poderán interpor recurso de suplicación ante o Tribunal Superior de Xustiza, que deberá ser anunciado por comparecencia, ou mediante escrito neste xulgado dentro dos cinco días seguintes á notificación desta sentenza, ou por simple manifestación no momento en que se lle practique a notificación. Advírtaselle igualmente ao recorrente que non fose traballador ou beneficiario do réxime público de Seguridade Social, ou habente causa seu, ou non teña recoñecido o beneficio de xustiza gratuíta, que deberá depositar a cantidade de 300 euros na conta aberta en Banesto (0030.1846) a nome deste xulgado co número 1533.0000.36.0634.12 acreditando mediante a presentación do xustificante de ingreso no período comprendido ata a formalización do recurso así como, no caso de ter sido condenado en sentenza ao pagamento dalgunha cantidade, consignar na conta de depósitos e consignacións a nome deste xulgado, co número 1533.0000.60.0634.12 a cantidade obxecto de condena, ou formalizar aval bancario pola dita cantidade en que se faga constar a responsabilidade solidaria do avalista, incorporándoos a este xulgado co anuncio de recurso. En todo caso, o recorrente deberá designar letrado para a tramitación do recurso, no momento de anuncialo.

Así, por esta a miña sentenza, definitivamente xulgando, o pronuncio, mando e asino.

Publicación. Lida e publicada foi a anterior sentenza polo maxistrado que a ditou, encontrándose realizando audiencia pública no día da data, do cal dou fe».

E para que lle sirva de notificación en legal forma a Rosas y Grelos, S.L., expídese o presente para a súa inserción no Diario Oficial de Galicia.

A Coruña, 8 de outubro de 2012

O secretario xudicial