Eu, Francisco Ferreiro Vázquez, secretario xudicial do Xulgado do Social número 1 de Santiago de Compostela, fago saber que no procedemento de despedimento/cesamentos en xeral 644/2012 deste xulgado do social, seguido por instancia de José Lino Ramos Pardo contra a empresa Construcciones J. Carro, S.A., Fogasa-Fondo de Garantía Salarial, sobre ordinario, se ditou a seguinte resolución:

«Que estimo integramente a demanda interposta por José Lino Ramos Pardo contra Construcciones J. Carro, S.A. e o Fondo de Garantía Salarial e, en consecuencia, declaro a extinción da relación laboral no día de hoxe, e condeno a Construcciones J. Carro, S.A. a que lle aboe ao demandante a cantidade de 6.904,35 euros en concepto de indemnización, así como a aboar a cantidade de 16.140,10 euros en concepto de salarios.

Notifíqueselles esta resolución ás partes.

Contra esta resolución cabe recurso de suplicación, ante a Sala do Social do Tribunal Superior de Xustiza de Galicia, o cal se deberá anunciar neste xulgado no prazo do cinco días seguintes ao da notificación desta resolución, bastando a manifestación da parte ou do seu avogado ou representante dentro do indicado prazo.

Prevense a empresa demandada de que para interpor recurso deberá acreditar ter ingresado na conta de consignacións deste xulgado o importe da condena ou aval bancario solidario e 150,00 euros en concepto de depósito. Sen este requisito non será admitido a trámite o recurso e quedará firme a sentenza.

Así o acordo, mando e asino.»

Advírteselle ao destinatario que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

Santiago de Compostela, 24 de xaneiro de 2013

O secretario xudicial